Hobe isilik

Garbiñe Ubedaren lehen fikziozko lanarekin estreinatuko dugu urte berria Irakurri matte! taldean. Kazetaritzan ibilbide luzea duen arren (Argia astekarian ari da gaur egun), hauxe du lehen eleberria, Augustin Zubikarai beka-sariaren irabazlea.

Hona, Hobe isilik nobela laburraren argumentua: 1936ko Gerran ibili eta gero, II. Mundu Gerraren amaieran Frantzian desagertutako Jose Bermejo aitona miliziano anarkistaren arrastoaren bila hasten da haren biloba Bakartxo. Inoiz ezagutu gabeko aitona hari idatziko balio bezala, bilaketaren gorabeherak, ezusteko aurkikuntzak eta horiek sorturiko zalantzak kontatzen dizkigu eleberriak; horiekin batera, familiaren historia berreraikiko du narratzaileak, baita hainbat gogoeta harilkatu ere: sekretuaz, isiltzeaz, bizitza berri bat hasteaz, zaharra ahazteaz…

Idazlearen lantoki den Argia astekariak, aurkezpenaren bezperatan, honako artikulua argitaratu zuen liburuazHemen aurkituko duzue Etb1-eko Sautrela saioan Hasier Etxeberriak Ubedari eginzion elkarrizketa. Liburuari orain arte egindako kritikak ere irakur ditzakezue. Youtube-n prentsaurrekoko hainbat bideo  ikusgai dituzue.

Autoreak badu argitaraturiko saiakera bat ere: Mila ezker (Susa), ezkerrei buruzko saio jakingarri bezain dibertigarria.

Gabonetarako digestibo ona da literatura. On dagizuela!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude