Eusko Jaurlaritzak onartu ditu Zumaiako Aita Mari Arraun Elkartearen estatutuak, eta honenbestez, ofizialki eratu da elkarte berria. Ondorioz, hemendik aurrera bi elkarte ezberdin izango dira Aita Mari Arraun Elkartea eta Zumaiako Aita Mari Arraun Kirol Elkartea, aurrenekoaren batzarrak iazko azaroan onartu bezala. Arraunarekin lotutako guztia bigarren elkartearen esku geldituko da. Izena luzea denez, eta gauzak errazte aldera, beste izen hau erabiliko dute: Zumaiako Arraun Elkartea.
Hauxe da behin-behineko zuzendaritza-batzordea. Gerora, jende gehiago sartzeko aukera ez dute baztertzen.
Presidentea: Luis Mari Goikoetxea
Idazkaria: Juanjo Galarraga
Bokalak: Javier Osa, Xeberiano Yeregui, Luis Mari Osa, Bixente Aizpurua eta Joxe Antonio Amilibia.