Telmo Deun bederatzigarren Zarautzen

Telmo Deun bederatzigarren sailkatu da Zarauzko Estropaden lehen jardunaldian. Bihar, aurreneko txandan aterako da, gaurko denboren arabera osatuko baitira txandak. Gaurko denborak kontuan hartuko dira azken sailkapenerako.

Hauek dira biharko txandak:
1. Zumaia, Cabo da Cruz, Arkote eta Laredo.
2. Orio, Zarautz, Hondarribia eta Tiran.
3. Castro, Urdaibai, Pedreña eta San Pedro.

Sailkapenak ‘sailkapenak’ atalean daude.

Hauxe da Luxiaren balorazioa: “Ez dugu arraunean egin. Hasieratik gaizki hasi gara, eta ez dugu erreakzionatzen jakin. Bestela, harrigarria izan da zenbateko aldeak egon diren. Esaten da Zarautzen lehen eta bigarren kaleak direla onenak, baina gaur, kanpoko biak hobeak zirela uste dut. Ez da aitzakia, guk ez baitugu lan ona egin. Bihar, txanda irabazten saiatuko gara, eta ea Tirani lau segundoko tartea kentzen diogun, sailkapen nagusian postu bat gora egiteko”.

Leave a comment

Zure e-posta helbidea ez da argitaratuko. Beharrezko eremuak * markatuta daude