Asteartean hasiko dira entrenatzen arraunlariak

Datorren asteartean hasiko dira arraunlariak entrenatzen. Ia bi hilabeteko geldialdia egin eta gero, 2009ko denboraldia prestatzeari ekingo diote. 19:30ean dute hitzordua, Itsas Kiroldegian. Ez da deialdi itxia, eta arraunean egin nahi duen edozein azal daiteke astearteko entrenamendura.

Azkeneko sasoiko taldearekin alderatuta, hiru arraunlari faltako dira: Jokin Urkidik eta Jon Larrañagak arrauna uztea erabaki dute, eta Jon Agirrezabala Santurtzik fitxatu du, hasiera batean arrauna uztekotan bazen ere. Berrikuntzen artean, momentuz, lau daude ziurtatuta: Mikel Etxeberria ‘Artia’ (urtebetez arrauna utzita egon eta gero itzuliko da), Josu Osa (Donostiarran ibili da azken sasoian) eta Ondarroatik datozen bi arraunlari. Gazte mailako lau arraunlari ere igoko dira, eta aurreko denboraldian Ondarroan utzita egon diren beste bi ere itzuliko dira.

Leave a comment

Zure e-posta helbidea ez da argitaratuko. Beharrezko eremuak * markatuta daude