Negu parteko azken traineru jaitsiera jokatuko da bihar, Pasai San Pedron. 17:00etan hasiko da, eta han izango dira Zumaiako bi traineruak. Momentuz, 18 ontzik eman dute izena, eta zumaiarrez gain, hauek ariko dira, besteak beste: Urdaibai, Orioko bi traineruak, San Pedroko biak, San Juaneko biak, Castroko biak, Zarauzko bigarren trainerua, Hondarribiako bigarren ontzia, Santurtzi eta Isuntza.