Irabazi dute. Berriz. Bateletako Espainiako txapelketan ere onenak izan dira emakumezkoak, jubenil mailan. Gipuzkoako liga (seniorrekin nahasian) eta txapelketa, eta Euskadiko txapelketa irabazi ondoren, azkeneko lehiaketa ere bereganatu egin dute. Ferrolen (Galizia), atzetik izan dituzte Robaleira eta Chapela. Euskal Herriko ordezkaritza osoaren artean, zumaiarrek bakarrik lortu dute garaipena, maila guztiak kontuan izanda.