Zumaia Altuna Uria 11. izan da gaur, Portugaleten, San Miguel ligako hamaseigarren estropadan. Orain, bi estropada geratzen zaizkio ligaren baitan, eta biak izango dira kanporaketakoak. Irailaren 15ean Bermeon ariko da, eta 16an, Portugaleten.
Lehen txandan joan da gaur, bigarren kaletik, eta azkena egin du, Pedreña, Zierbena eta Portugaleteren atzetik. Espainiarrak nagusitu dira nabarmen.
Orain, ligaren baitan, kanporaketa ondo prestatzea du helburu Zumaia Altuna Uriak. Azken batean, sasoiko asmo nagusia lortzea aukera zabalik da: ligan jarraitzea.
Bandera Kaikuk irabazi du, aise.
Zumaiarren hurrengo erronka ostegunean izango da, Kontxara sailkatzeko estropadan.