Bete-betea dator asteburua arraun munduan. Bateletan, Gipuzkoako Ligak berriz eking dio, Inauterietako geldialdiaren ondoren. Bosgarren jardunaldia jokatuko dute, Pasai Donibanen, igandean, 10:00etan. Hantxe izango dira Zumaiako batelak.
Bezperan. larunbatean, traineru jaitsiera izango da Hondarribian. 17:00etatik aurrera. Zumaiak bertan izango ditu senior gizonezkoen bi traineruak, eta beteranoen ontziak ere jokatuko du estropada. Aurreko asteburuan, Sestaon, beteranoak garaile izan ziren, bertako traineru jaitsieran. Itsasora ezingo dira atera traineruak, denboralea eta eguraldi txarragatik, eta badia barruan jokatuko dute estropada maila guztietan.
Aukera ona izango da Hondarribikoa Patxi Francesen arraunlariak uretan lehiatzen ikusteko. Prestakuntzaren barruan beste pauso bat ematea izango da larunbatekoa, emaitzaren gainetik.
Gaur bukatuko da izena emateko epea, eta oraingoz, talde hauek ariko dira, mailaz maila:
SENIOR GIZONAK:
HIBAIKA
DONOSTIARRA “A”
DONOSTIARRA “B”
ONDARROA
SAN JUAN “A”
SAN JUAN “B”
ITXASLAPURRAK
ORIO
SAN PEDRO “A”
SAN PEDRO “B”
ZARAUTZ
ZUMAIA “A”
ZUMAIA “B”
GETARIA
ISUNTZA “A”
ISUNTZA “B”
ASTILLERO
MUNDAKA-BERMEO
HONDARRIBIA “A”
HONDARRIBIA “B”
HONDARRIBIA “C”
EMAKUMEAK:
HIBAIKA
ORIO
HONDARRIBIA
SM+SF+JM:
HIBAIKA
BETERANOAK:
TELMO DEUN
GETXO ARRAUN
FORTUNA