Kirmen Uribe idazle ondarroarraren bisitarekin itxi dugu aurtengo ikasturtea. Mussche eleberria aletu dugu denon artean, giro ederrean. Amaierari ginda jartzeko afaritxoa ere antolatu dute Irakurri Matte taldeko kideek, eta buru-sabel-bihotzak berdinduta goaz nor bere udara, nor bere irakurketetara. Taldeak datorren irailean ekingo dio berriro martxari, eta datorren ikasturteak ere itxura bikaina du. Hemen topatuko duzue irakurgaien-zerrenda. Gusto baduzue, taldeak irekita ditu ate-leihoak, eta eskertuko ditu haize berriak. Irakurle zahar edo gazte, gizon edo emazte… Gogoa baduzue kilima eske… Anima zaitezte!!!