Lainotuta iritsi da iraila. Ilundu egin da zerua eta urdinetik grisera mudatu itsasoa. Biolentziaren argiari hobeto egokitzen zaiola dirudi. Indarkeria edozein zeruren azpian eta edozein eguraldirekin agertzen den arren, oharkabean eta sistematikoki, han eta hemen, leherketa baten gisan edo tantaka eta isilka.
Biolentziari buruzko eleberri ma
rdula da “Iazko hezurrak”, baduena saiakeratik; baduena ipuin-liburutik. Barrua inarrosiko digu irakurketak; botalarria eragingo; liburua itxi eta beste alde batera begiratzeko bulkada sortuko. Lan eskerga egin du idazle algortarrak indarkeriaren tripetan arakatzeko, eta ikasturte honetako lehenengo saioak, irailaren 8an, gurekin izango dugu Alondegian arratsaldeko 18:00etatik aurrera egingo dugun saioan.
–Hemen dituzue liburuak jasotako kritikak.
-Sautrelako elkarrizketaren bideoa.
Zure zain izango gara!