Usotan Larregirekin

img-20161030-wa0014

Azkena basurdetan egon nintzen Iñakirekin, eta gaur, berriz, usotan Larregirekin. Ez dakit eskalatzera edo ehizera joaten garen. Argazkiaren erdi-erdian flamante-flamante ageri den harrizko triangelua da Usoa, goiko zatia eguzkitan eta behekoa itzaletan duen hori egin dugu. Dame Veneno du izena.

img_20161030_081306

Goizeko zazpiretan zai neukan Larregi etxe azpian. Atzo eguraldiari begira egon nintzen Interneten, eta bero samarra iragartzen zuten.

Hala ere, goizean Zumaian ez zen epeltasun handirik nabaritzen, eta Eginora iritsi geranean, tenperatura hiru gradukoa zen.

img-20161030-wa0005

Geneukan arropa guztia jantzita atera gara.

Bidean, Usoa.

img-20161030-wa0007

Argazkilariari argazkia.

img-20161030-wa0002

Usoaren oinera iristerako, ez geneukan hotz handirik. Gainera, eguzkia gero eta zuzenago zetorren, eta  kamiseta hutsean hasi gara eskalatzen.

Larregi Usoaren oinarrira iristen.

img_20161030_083031

Bidearen hasieran jarri garenean, harrituta geratu naiz hormaren bertikaltasunarekin. Ur-zulo ederrez betetako horma.

img_20161030_084715

Trasteak prestatu, eta Larregik berak ekin dio lehen luzeari. Kostatu zaigu pixka bat bidea nondik nora doan kalkulatzea, eta hasieratik argi dago seguruen artean aire dezente dagoela.

Hasi gara.

img_20161030_085552

Bidea, zailtasun aldetik, ez da gogorregia gure buruentzat. Baina seguruen artean tarte handia egoteak lan handia eragiten dio buruari.

Bagoaz, pixkanaka.

img_20161030_090525

Argazkian ematen ez badu ere, bertikala da horma. Helduleku onak badaude, baina bilatu egin behar, eta bitartean besoak fresko mantendu.

Lehen luzean gora, izerditan.

img_20161030_091127

Bilgunetik oso gertu.

img_20161030_091812

Bilgunea prestatu duenean, nire txanda.

Larregik lehen bilgunetik ateratako argazkia.

img-20161030-wa0003

Ederki igarri dugu bertikaltasuna.

Bilgunetik gora begiratu eta urruti ikusten nuen lehen asegurua.

-Hau faktor dos, Xabier!

-Pasa espres bat bilguneko kimiko batetik eta eman egurra!

Ekin diot bigarren luzeari.

img-20161030-wa0008

Bidean, geratu eta argazki bat atera diot Larregiri.

img_20161030_094631

Luze ederra da, mundiala, baina buruak lan asko egiten du hurrengo segurua han goian dagoela ikusita, eta kostatu zait pixka bat. Nekea eta gozatua, erdibana.

img-20161030-wa0012

Haitza, eguraldia bezain ederra.

img-20161030-wa0010

Iritsi naiz, luzea hasi baino hobeto amaitu izanaren sentsazioarekin.

Eta badator, Larregi ere.

img_20161030_101318

Trago ederrak jo dizkiogu akuariusari, luzea amaitu duenean.

-Hau dek izerdia, hau! Eta Zumaian taosa nagusi, eta berorik batere ez.

Txokolate pixka bat jan eta Aztorearen hego ekialdeko ertzerantz abiatu gara.

Ez zegoen batere argi nondik hasi, beroa ere egiten zuen, eta beherako bidea hartu dugu.

Ordubata alderako Zumaian.

Ederra goiz pasa. Badakigu Peloia plafoian gortzen ari dela, eta bere zain gaude Mari Urrikari atake bat emateko.

Jarraituko dugu informatzen.

Gortu

Basurdetan Iñakirekin

Joan den astean, Peloiak astebukaeran lan egin behar zuela aprobetxatuz, Larregi eta biok zakila bira egin genuen. Baita gustura amaitu ere.

Aste honetan Peloia mendira joan da asteburu pasa, eta Larregik esan zidan ez zuela eskalatzeko tarterik edukiko. Ez neukan erraza.

Baina, nola diren gauzak, ostegun arratsaldean, auzoko pintxopotean, Iñaki eta familiarekin topo egin, eta harria bota nion suabe-suabe.

-Zenbat urte eskalatu gabe? Nik ezautzen diat bat Aiako harrian hiretzako moduko bide bat…

Dena prest zegoen paretosauroen emanaldi berri baterako. Eta horrelaxe, ostiral goizean (atzo) Basurdeen begiratokia eskalatzera abiatu ginen. Nik dagoeneko bi aldiz gutxienez eginda neukan, baina inoiz ez bide osoa aurretik. Oraingoan izan dut aukera.

Autoa Arritxulo aterpearen kanpoan utzi, trasteak hartu (beharrezko denak, nire ustez) eta bidearen hasierara joan ginen. Ailegatu eta motxila bizkarretik kendu baino lehenago konturatu nintzen soka autoan utzi nuela.

Iñakik ez zuen aukera galdu adarra jotzeko:

-Ze! Hainbeste urte eskalatu gabe eta sokarik gabe hasi behar al deu?

Motxila utzi, eta buelta berriro ere autora. Soka hartu eta bidearen hasierara joan nintzen berriro. Han zegoen Iñaki parre txikiarekin.

-Beno. Oraingoan bai. Bagoaztik zumaiarrak!

Lehenengo luzean.

img-20161007-wa0012

Luze berean pixka bat gorago.

img-20161007-wa0007

Bilgunea prestatu, eta Iñakiren txanda. Katu-hankarik ez zeukan eta nik utzi nizkion gure garaiko katu-hanka mitiko batzuk. Ea asmatzen duzuen zer marka eta zer modelo den.

Bidearen lehen pausoetan.

img_20161007_100250

Badator tirriki-tarraka.

img_20161007_101548

Dinosauro zaharrak oraindik ere bagarela zerbait!

img_20161007_101952

Eta iritsi da mutila bilgunera. Nekatuta baina pozik.

img_20161007_103016

-Zailena egin dek! -esaten nion behin eta berriz.

-Hankakin egin indarra! -a zer paliza eman nion.

Bigarren luzea egin nuen. Lehena baino motzagoa eta errazagoa.

Bilgunetik argazkia atera nion Iñakiri, bigarren luzeari ekin zionean.

img_20161007_104240

Zer gustura hartzen zuen bilguneko atsedentxoa!

img_20161007_111501

Erreparatu katu-hankei. Eta asmatu marka eta modeloa.

Tartetxo bat oinez egin eta hirugarren luzearen azpira iritsi ginen. Luzearen hasiera bertikala da eta hortxe dago bideko pauso gogorrena.

img-20161007-wa0014

Pixka bat argiago.

img-20161007-wa0003

Hortik berehala iristen da bilgunera. Dena prest zegoenean hasteko esan nion Iñakiri.

Pentsatu nuen kostatuko zitzaiola pausoa egitea, baina paretosauroen sena erabiliz, berehala lortu zuen.

img_20161007_110100

Beste bi luze erraz, eta bidea amaitu genuen.

Bista ederrak daude Basurdeen begiratoki horretatik.

Ez esan neri hau ez denik pose yosemitikoa!

img_20161007_120146

Horma horren ordez Yosemiteko El Capitan jarri, eta klabao!

 

Mezua bidali.

img-20161007-wa0006

Soka jaso.

img-20161007-wa0005

Trasteak hartu eta behera. Arritxulegiko lepotik pasatu.

img-20161007-wa0008

Eta handik Arritxulo aterpera.

Bidean, makina bat tiro jasotakoa bisitatu.

img-20161007-wa0011

Eta aterpean, zerbeza eder bat. Ongi irabazitakoa.

Espero dut Iñakiri agujetak pasatzen zaizkionean, arnes berria erostea. Roca urdin zahar horrek ez zidan konfiantzan handirik ematen. Ea noiz animatzen haizen berriz!