Monthly Archive for urtarrila, 2014

Zumaiako Emakume Arraunlariek igande honetan jasoko dute Sabino Arana saria

“Zumaiako Emakume Arraunlariak gizaldeari oztopoak gainditzearen eredu izateagatik, frogatu dutelarik, lana eginez gero, gorenera iritsi ahal dela. Halako 1990 hartatik, arraunean entrenatzen lehenengo aldiz hasi ziren garai hartatik, nabariak dira ezbairik gabe, arraunlari zumaiarrek bereganatu dituzten segurtasuna eta sendotasuna. Giza talde hark eta haien ereduari ekin eta ekin jarraitu zaizkion guztiek, emakume eta gizon, gailurra jo dute 2013an, ondorioa izan dela: Euskotren Liga bigarrenez lortzea eta Kontxako Bandera ere eskuratzea emakumeen kategorian. Lehenengo euskal elkartea bere kategorian bandera hori erdietsi duena”.

Horregatik emango dio Sabino Arana Fundazioak izen bereko saria etzi, igandean, Zumaiako Emakume Arraunlariak taldeari. Bilbon izango da ekitaldia, 12:00etan, Arriaga antzokian. Kirolaren arloan emango zaie saria arraunlariei. 1989tik banatzen dira sari hauek, eta kirolean honako hauek izan dira sarituak, besteak beste: Miguel Indurain, Reala eta Athletic.

Erkibe Kultur Elkarteak proposatu zuen saria Zumaiako Emakume Arraunlariei ematea

Sari hau jasotzeko ezinbestekoa izan da Erkibe Kultur Elkartearen babesa eta ekimena. Izan ere, beraiek izan ziren proposamena egin ziotenak Sabino Arana Fundazioari, saridunen artean egon behar zutela uste zutelako. Horregatik, Zumaiako Arraun Elkarteak eskerrik beroena eman nahi dio Erkibe Kultur Elkarteari.

 

 

Gipuzkoako batel ligako 2. estropada: emaitzak

Gipuzkoako batel ligako 2. estropada izan zen igande goizean Pasai Donibanen, eta hauek izan ziren Zumaiako ontzien emaitzak:

INFANTILAK NESKAK: bosgarren

PROMESA NESKAK: bederatzigarren

INFANTILAK MUTILAK: hamargarren

KADETEAK MUTILAK: Zumaia A zazpigarren/Zumaia B hemeretzigarren

JUBENILAK MUTILAK: Zumaia A seigarren/Zumaia B hamabigarren

Estropadako emaitzak

Argazkiak (Klausser)

3. estropada igande honetan izango da, Errenterian, 10:30ean.

Gipuzkoako Batel ligako lehen jardunaldiko emaitzak

Hasi da Gipuzkoako Batel liga. Joan zen larunbatean ekin zitzaion Loiolan (Donostia). Zumaiako Arraun Elkarteak inoiz baino ontzi gehiago dauzka aurten uretan, eta larunbatean, esaterako, zazpi aritu ziren.

Hauek izan ziren zumaiarren emaitzak:

Infantil neskak: 6.

Kadete neskak: 12.

Infantil mutilak: 10.

Kadete mutilak: Zumaia A 7.

Zumaia B 21.

Jubenil mutilak: Zumaia A 5.

Zumaia B 15.

Argazkiak hemen, Klausserrenak: https://picasaweb.google.com/103466294641691248417/20140111Loiola?noredirect=1

Bigarren jardunaldia igandean izango da, urtarrilaren 19an, Pasai Donibanen, 11:30ean.