Monthly Archive for abuztua, 2010

Igotzeko lehian sartu dira

Bete du helburua Zumaia Bk, eta KAE 1era igotzeko kanporaketa jokatuko du datorren asteburuan. Liga aurrera joan den heinean hasi zen helburutzat hartzen igoera jokatzea, lehiaketaren hasieran halakorik gerta zitekeenik ezin baitzen aurreikusi. Sekulako denboraldia egin dute Joxe Enrike Manterolaren arraunlariek, eta hirugarren izan dira KAE 2 Ligan. Portugalete gailendu da, eta zuzenean igoko da; Santoñak bukatu du bigarren, eta Zumaiarekin batera jokatuko du kanporaketa, KAE 1eko azken biekin (Busturialdea eta Trintxerpe). Gaur amaitu da Liga Santoñan (Espainia), eta Zumaia B laugarren izan da, Santoña, Colindres eta Zarautz Bren atzetik. Kanporaketako bi estropadak Portugaleten (zapatuan) eta Zumaian izango dira (igandean).Manterola gustura dago Ligako lanarerekin: “Helburua bete dugu, eta hor gaude. Asteburuan, banderak irabaztea baino gehiago kanporaketan aritzea lotu nahi genuen, eta lortu dugu. Zapatuan lan hobea egin genuen, eta pena izan zen bandera ez irabaztea. Gaur, berriz, patroi berria sartu dut; denboraldi osoan aurrenekoz aritu da, agindu bainion estropada bat emango niola. Lan ona egin du”.Gaurko sailkapena: http://www.liga-arc.com/eu/resultadosLigako sailkapena: http://www.liga-arc.com/eu/resultados

Azken luzea kenduta…

Zumaia hamargarren izan da gaur Castron (Espainia), San Miguel Ligako azken hirugarren estropadan. Lehen txandan aritu da, eta aurreneko hiru luzeetan txukun ibili da. Baina azken luzean segundoen zama handitzen joan zaio, eta azkenean, Kaikuk 29 segundo kendu dizkio, eta Hondarribiak 20. Zarautz izan da txandako azkena, zumaiarrengandik 43 segundora. Bigarren txandan aritu den Astillero gelditu da hamaikagarren. Castrok irabazi du bandera, Ligako lehen garaipena lortuz. Orain, bi asteburuko geldialdia egongo da Kontxako Bandera jokatzeko, eta irailaren 18an eta 19an izango da azken asteburua, Bermeon zapatuan, eta Portugaleten igandean. Hantxe egin beharko du Zumaiak kale edo bale, orduan izango baita kanporaketa. Aurkariak Santurtzi, Camargo (KAE 1 Ligako lehen biak), Amegrove eta Meira (Galiziako Ligako lehen biak) izango dira, baina galiziarrek parte hartuko duten ez dute baieztatu. Bi egunetan puntu gehien pilatzen duten bi ontziak ariko dira datorren denboraldian San Miguel Ligan.Gaurko sailkapena: http://www.ligasanmiguel.com/resultados/ver.php?id=eu&r=1269259924Ligako sailkapena: http://www.ligasanmiguel.com/index.php?id=eu

Kamixetak salgai eta doan, eta bazkide egiteko aukera

Zumaiako Arraun Elkartea bada mugimendua. Uretan eta uretatik kanpo. Lehorrean, ezinbestekoa da zaleen bultzada, eta bide horretan, zapatu honetan (abuztuak 28), kamixetak jarriko dituzte salgai, eta bazkide egiteko aukera egongo da. Kalari Tabernaren aurrean jarriko dute mahaia, 19:00etatik 21:00etara. Bazkide direnek kamixeta doan jasoko dute, eta ez direnek ordaindu egin beharko dute. Bazkide egiteak ematen duen abantailetako bat da kamixeta doan jasotzearena. Beste abantaila batzuk ere izango dituzte hemendik laster, eta ekimen horien berri bere garaian emango zaie. Bazkide izatearen beste alderdi ona da klubeko partaide bihurtzen direla, eta aukera izango dutela klubaren norabidea zehazteko, batzarren bidez. Arraunlariak sekulako lana ari dira egiten, eta kamixeta gorria janztea eta bazkide izatea beraiei laguntzeko modu eraginkorra da. Ez galdu zapatuko aukera!

Helburua parez pare

Denboraldiko asteburu garrantzitsuena izango da datorrena Zumaia B-rentzat. KAE 2 Liga amaituko da zapatuko eta igandeko estropadekin, eta sailkapena orain dagoen bezala, zumaiarrek KAE 1era igotzeko kanporaketa jokatuko lukete iraileko aurreneko asteburuan (irailaren 4an Portugaleten, eta irailaren 5ean Zumaian bertan). Portugalete da lider 208 punturekin, eta okerrik ez dela lider amaituko du; horrenbestez, zuzenean igoko da. Bigarren Santoña da, 191 puntuz, Zumaia B hirugarren 187rekin, eta Getaria laugarren 181ekin. Hiruren artean egongo da bi postu lortzeko lehia; hain zuzen, kanporaketa jokatzeko aukera ematen duten bi postuak. Larunbatean, Colindresen (18:30ean), erlojuaren aurka ariko dira, banaka. Igandean ere (Santoñan, 12:30ean) erlojua izango dute aurkari, baina binaka jardungo dute, hango eremuko kaleen aldea gutxitze aldera. Bi estropadak ibaian dira.Joxe Enrike Manterola entrenatzailea ilusioz gainezka da, arraunlariak bezala. Astero www.impulsofijo.com wegbgunean idazten duen analisian, oso garbi utzi du zein den helburua: “Igotzeko kanporaketa jokatu nahi dugu”. Igandeko lanari dio beldur gehiago, “Santoñan beti daudelako kaleen arteko aldeak, nahiz eta bi kaletara jokatu. Pena litzakete zorteak erabakitzea Ligako sailkapena”. Iritsi da kale edo bale egiteko ordua. Zumaiarrek parez pare dute helburua, eta gauzatuko balute, sekulako arrakasta litzateke igoerako kanporaketa hori jokatzea KAE 1 Ligako azken biekin (momentuz, estropada baten faltan, Trintxerpe eta Busturialdea dira bi azkenak, baina Getxo ere arriskuan da).kae2-mundaka.jpgZumaia B Mundakako estropadan. KLAUSSER.

Lehiatik kanpo

Atzokoaren aldean, Zumaiak ez du estropada ona jokatu gaur, Hondarribian. Hamaikagarren izan da. Lehen txandan aritu da, Kaiku, Hondarribia eta Zarautzekin. Hasieratik gelditu da hirugarren postuan, ihes egin diote Kaikuk eta Hondarribiak, eta hortik aurrera, bakarrik jardun behar izan du borrokan, Zarautz atzerago izan duelako. Azkenean, alde handia atera diote Kaikuk eta Hondarribiak. Horrek erakusten du ez dela egunik onena izan. Zarautzekin atzo baino tarte txikiagoa izan da, eta horra beste datua lana neurtzeko. Dena dela, azterketa orokorragoa egiten bada, hau garbi dago: Zumaiak lanak ondo egiten dituenean, duela estropada batzuk baino askoz hobeto ibiltzen da. Gora egin duela, alegia. Horri heldu behar zaio orain, San Miguel Ligatik ez jaisteko kanporaketa helburu hartuta. Urdaibaik irabazi du bandera, eta lider jarri da Ligan. Datorren zapatuan Orion da estropada, eta Castron, igandean.Gaurko sailkapena:  http://www.ligasanmiguel.com/resultados/ver.php?id=eu&r=1269259791Ligako sailkapena:  http://www.ligasanmiguel.com/index.php?id=eu

Lan ona

Zumaiak lan ona egin du gaur Astilleron. Hamargarren sailkatu da San Miguel Ligako estropadan, eta emaitzaz haratago, emandako itxura hartu behar da kontuan. Lehen txandan jardun du, eta ez zaio asko falta izan txanda irabazteko. Erlojuaren aurka lan ederra egin dute arraunlariek, eta Hondarribiak bi segundo besterik ez dizkio atera. Kaiku utzi du atzean, aise, hamabost segundora, eta Zarautzi hogeita lau atera dizkio. Lehen hiru luzeetan denbora onena markatu du Luxiaren koadrillak, baina azken luzean hobea izan da Hondarribia.Gero, haizeak nabarmen egin du behera, eta beste txandakoek aise hobetu dituzte lehen txandakoen denborak. Baina emaitza gorabehera, lana hartu behar da kontuan, eta estropada polita jokatu dute zumaiarrek. Gaur, Unai Osa gaztea aritu da patroi lanetan.Bihar, Hondarribiara helduko da San Miguel Liga, eta orain arte ez bezala, Ligako sailkapenaren arabera osatuko dituzte txandak; orain arte, igandeetan larunbateko estropadako sailkapena hartzen zen kontuan.Gaurko sailkapena: http://www.ligasanmiguel.com/resultados/ver.php?id=eu&r=1269259733Ligako sailkapena: http://www.ligasanmiguel.com/index.php?id=eu

Bikaina

zumaia-b-2-bandera.JPGZumaia Bko arraunlari eta entrenatzaileak, banderarekin.Zumaia Bk sasoiko bigarren bandera irabazi du gaur Erandion, KAE 2 Ligako estropadan. Erlojuaren aurka aritu dira, eta azkarrenak izan dira. Sekulako estropada egin dute. Colindres izan da bigarren, Santoña hirugarren, eta Zarautz laugarren. Emaitza hauekin, sailkapen nagusian, Zumaia B hirugarren da, eta sei puntura utzi du gaur zazpigarren egin duen Getaria. Bi estropada bakarrik falta dira Liga amaitzeko: datorren zapatuan Colindresen eta igandean Santoñan (biak Cantabrian). Getariarrekiko aldeari eustea lortuz gero edo bigarren den Santoña gainditzen badute (lau puntura dago), Zumaia B KAE 1era igotzeko kanporaketan egongo da iraileko lehen asteburuan.Joxe Enrike Manterola oso pozik dago arraunlariek egin duten lanarekin: “Egundoko lana egin dugu. Hasi eta buka onenak izan gara, eta arraunean ederki egin dugu. Aste honetan, entrenamendu gogorrak egin ditugu ibaian, gaurkoa prestatzeko, eta mesede egin digu. Sailkapen nagusian ondo gaude, baina Getariari ateratzen diogun sei puntuko aldea ez da ezer, eta oraindik lanak ondo egin beharko ditugu kanporaketara sailkatzeko”.Gaurko sailkapena: http://www.liga-arc.com/eu/regata/75/xxiii-bandera-de-erandioLigako sailkapena: http://www.liga-arc.com/eu/regata/75/xxiii-bandera-de-erandio

Ez da egunik onena izan

Zumaia Kiroljokoa bigarren izan da gaur Hondarribian, Gipuzkoako Ligako azken estropadan. Getaria-Tolosak irabazi du, eta zumaiarren atzetik San Juan eta Hondarribia sailkatu dira. Ziabogan bost segundo aurretik ziren getariarrak, eta bigarren luzean handitu egin dute tartea Zumaiarekiko. Bigarren postuari eusteko ere lanak izan ditu, San Juan gertu izan duelako. Ez da egunik onena izan gaurkoa. Gaur bukatu da Gipuzkoako Liga, eta Getaria-Tolosak irabazi du, zumaiarren eta sanjuandarren aurretik. Orain, Kontxara sailkatzeko estropada izango dute hurrengo erronka, irailean. Gogor entrenatzea besterik ez zaie gelditzen ordura arte.Gaurko sailkapena: 1. Getaria-Tolosa (10.50,84); 2. Zumaia (11.04,27); 3. San Juan (11.06,41); 4. Hondarribia (11.17,31).

Akatsa zuzenduz: Zumaia B eta Getaria berdinduta daude

Aurreko igandean, KAE 2 Ligako estropadaren albistean, hauxe idatzi genuen: Zumaia Bri puntu bat ateratzen diola Getariak. Baina ez dago zuzen datu hori. Zumaia B eta Getaria berdinduta daude.

Zaildu egin zaio kanporaketan sartzea

Zumaia B laugarren izan da gaur, Castron (Espainia), KAE 2 Ligako estropadan. Santoñak irabazi du, Portugalete eta Getariaren aurretik, eta hain zuzen, hiru talde horiek dauzka Zumaia Bk aurretik Ligako sailkapenean. Ondorioz, zaildu egin zaio KAE 1era igotzeko kanporaketan sartzea (bigarrenak eta hirugarrenak jokatuko dute; lehena zuzenean igoko da); orain, Santoña bigarrenak sei puntu ateratzen dizkio, eta Getaria hirugarrenak bat. Gaur, lau ontziak aritu dira azkeneko txandan.Hiru estropada gelditzen dira Liga amaitzeko: datorren zapatuan Erandion, abuztuaren 28an, Colindresen (Espainia), eta 29an, Santoñan (Espainia).Gaurko sailkapena: http://www.liga-arc.com/eu/regata/74/xxxviii-bandera-ciudad-de-castro-iv-mem.-avelino-ibaez