Monthly Archive for otsaila, 2011

Lehen postuak, urrunago

Seigarren estropada izan du gaur goizean Gipuzkoako Batel Ligak, eta zumaiarrak lehen postuetatik urrunago izan dira beste egunekin alderatuta: emaitzarik onena hirugarren lekua izan da, jubenilek lortua, gizonezkoetan. Lau segundo eskasera gelditu zaie Ilunbe B garailea, eta hirura aurreko estropadetako onena, San Pedro A. Orain arteko bost estropadetatik lautan bigarren egin eta gero, hirugarren izatearekin konformatu behar izan dute. Continue reading ‘Lehen postuak, urrunago’

Ikusi Telmo Deun lanean, Orioko Traineru Jaitsieran

Lotura honetan ikus daitekeen bideoan, Telmo Deun ageri da lanean, larunbateko Orioko Traineru Jaitsieran. JM Azkuek grabatua da. Segundo gutxi batzuk dira, eta zumaiarren atzetik beste ontzi hauek ageri dira: Hondarribia, Kaiku, San Pedro eta Astillero.Hauxe lotura: http://www.youtube.com/watch?v=fCxE7TpCKw8

Bigarren postu bat

Gipuzkoako Batel Ligako bosgarren jardunaldian, zumaiarren emaitza onena bigarren postua izan da. Jubenilek lortu dute, gizonezkoetan, Pasai Donibanen jokatu den estropadan. Beste batelei dagokienez, lan hau egin dute: gizonezkoekin segituz, infantilak hamaikagarren sailkatu dira, eta kadeteak hamargarren; emakumezkoetan, laugarren bukatu dute kadeteek, eta postu berean izan dira seniorrak.Datorren estropada gaur zortzi izango dute, igandean, Orion. Seigarren jardunaldia izango du Batel Ligak.trintxerpe-pdonibane-20-02-11-008.jpgInfantilak gaurko estropadan. KLAUSSER Continue reading ‘Bigarren postu bat’

“Emaitza ezin hobea”

Gaur ere lan dotorea egin du Telmo Deunek. Orion aritu da, 17. Traineru Jaitsieran, eta zazpigarren denbora onena egin du (20.36,50). San Miguel Ligako bederatzi ontzi batu dira (beste 56 ontzirekin batera), eta zumaiarrak Orio A (20.39,02) eta San Pedro A (20.39,13) baino hobeak izan dira. Lanik onena Urdaibai Ak egin du (20.14,18), bigarren Astillero sailkatu da (20.17, 89), hirugarren Kaiku (20.19, 23), laugarren Hondarribia (20.21, 16), bosgarren San Juan A (20.21,40), eta seigarren Castro A (20.36,50). Xanti Zabaleta entrenatzaileak honela aztertu du mutilen lana: “Emandako parametroak bete ditugu, eta estropada dotorea egin dugu; helburua zen arraunketari eustea, taldea ez puskatzea, eta bete ditugu asmoak, nahiz eta bukaeran pixka bat azkartu egin garen, hobetzeko asmoaren eraginez. Emaitza ezin hobea da. Hala ere, lau hilabete gogor dauzkagu aurretik denboraldia hasi baino lehen, eta lanean segitu behar dugu, gaurko helburuak ondo bete ditugun arren. Ilusioarekin segitu behar dugu lanean, eta gaurkoak erakutsi digu kapaz garela, baina euforiak alde batera utzi behar ditugu. Izan ere, talde handiak asko hobetuko dira hemendik eta uda artean. Gaur, onenengatik 40 bat segundora ibiltzea aurrekuisten nuen, Ligako erreferentziak kontuan hartuz, baina askoz gertuago ibili gara; esperantzarako datuak dira, eta mutilei morala igotzeko baliagarriak”.p1080642.JPG Zumaia A, gaur arratsaldean, Orion. KLAUSSER Continue reading ‘“Emaitza ezin hobea”’

Hauteskunde prozesua zabalik da Telmo Deun Arraun Elkartean

Gaur egin du Zumaiako Telmo Deun Arraun Kirol Elkarteak Batzar Nagusia, eta besteak beste, hauxe izan da bazkideek bertan hartu duten erabakietako bat: hauteskunde prozesua martxan jartzea, eta hilabeteko epean zuzendaritza berria egotea. Hain zuzen, martxoaren 25ean egingo dute Ezohiko Batzarra, eta bertan hautatuko dute bazkideek zuzendaritza berria. Hautagaiak aurkezteko epea martxoaren 10ean amaituko da; zerrenda bakarra egonez gero, martxoaren 25eko batzarrean ez litzateke bozketarik egingo, eta zerrenda horretako kideek osatuko lukete zuzendaritza. Aldiz, zerrenda bat baino gehiago azaltzen bada, ezohiko batzar horretan bozkatuko lukete bazkideek zein zerrendari eman kluba zuzentzeko ardura. Continue reading ‘Hauteskunde prozesua zabalik da Telmo Deun Arraun Elkartean’

Batelen bosgarren estropada, igandean

Badoa aurrera Gipuzkoako Batel Liga, eta bosgarren estropada jokatuko dute igandean, Pasai Donibanen. 11:00etan hasiko da lehia. Zumaiarren ordezkaritza zabala izango da, ohi bezala, eta sei batel eramango dituzte: hiru emakumezkoetan (bat kadeteena, eta bi jubenil-seniorrenak) eta gizonezkoetan beste horrenbeste (infantiletan, kadeteetan eta jubeniletan bana). Orain arteko lanaren emaitzak bilduta, honela daude sailkapenean gureak: emakumezkoetan, kadeteak seigarren dira, eta jubenil-seniorretan, Zumaia B bederatzigarren dago,  Zumaia A hirugarren. Gizonezkoetan, infantilak zortzigarren dira, kadeteak hamaikagarren, eta jubenilak bigarren.orio-12-02-11-063.jpg Zumaiako infantilak joan zen asteburuan, Orion. KLAUSSER

Bigarren testa, bihar Orion

Bihar ere uretan izango da Telmo Deun. Orion lehiatuko da, bertako 17. Traineru Jaitsieran. 16:00etan ekingo zaio probari, eta 66 ontzi izango dira uretan, mailaren  eta ontziaren arabera banatuak: llagutak aterako dira lehendabizi; jubenilak, beteranoak eta neskak ondoren; traineru berriak atzetik; KAE 2 Ligakoak gero; KAE 1ekoak ondoren; eta TKEkoak azkenik. Zumaiak bi traineru izango ditu uretan: jubenilak, beteranoak eta neskak biltzen dituen multzoan bata (gizonezkoek osatuko dute, eta litekeena da jubenilen bat edo beste ere barruan sartzea), eta TKE Ligakoan bestea. Zumaiarren irteera ordua hauxe da: lehen ontzia 16:16ean aterako da, eta 4.000 metroko ibilbidea egin beharko du; TKEkoa 16:56ean aterako da, eta 6.000 metroko lana izango du aurretik. Maila honetan, Ligako bederatzi traineru lehiatuko dira: Orio, Hondarribia, San Pedro, San Juan, Kaiku, Urdaibai, Astillero, Castro eta Zumaia. Ontzi guztiak erlojuaren aurka lehiatuko dira, maila guztietan.  Continue reading ‘Bigarren testa, bihar Orion’

Batzar Nagusia egingo du ostiralean Zumaiako Telmo Deun Arraun Elkarteak

Etzi, ostiralean, Batzar Nagusia egingo du Zumaiako Telmo Deun Arraun Elkarteak. Branka gizarte zentroko aretoan bilduko dira bazkideak. Lehen deialdia 19:00etan jarri dute, eta bigarrena 19:30ean. Hauxe da gai zerrenda: Continue reading ‘Batzar Nagusia egingo du ostiralean Zumaiako Telmo Deun Arraun Elkarteak’

Test ona

Gaur jokatu dute Telmo Deuneko arraunlariek denboraldiko lehen estropada. Neguan egin ohi den traineru jaitsieran aritu dira Hondarribian, Bidasoako IX. jaitsieran, eta bederatzigarren izan dira. Maila guztietako ontziek hartu dute parte, eta San Miguel Ligako bederatzi traineru bildu dira. Zumaiarren aurretik gelditu dira zazpi, eta Camargo utzi dute atzean. Urdaibaik irabazi du, San Juan A izan da bigarren, Castro hirugarren, San Pedro A laugarren, Hondarribia A bosgarren, Kaiku seigarren, Portugalete zazpigarren, Orio A zortzigarren, eta Zumaia bederatzigarren. Erreferentzia batzuk emate aldera, Urdaibaik 38 segundo atera dizkio Telmo Deuni, Castrok eta San Pedrok 21, Hondarribiak zortzi, Kaikuk  eta Portugaletek hiru, eta Oriok bat. Zumaiarrek Camargori 35 segundo atera dizkiote. Continue reading ‘Test ona’

Bi bigarren postu

Atzo jokatu zen Orion Gipuzkoako Batel Ligako laugarren estropada, eta zumaiarren artean, bi ontzik egin zuten lanik onena: bigarren izan ziren emakumezkoak (Zumaia B), senior-jubeniletan, eta gizonezkoak, jubeniletan. Bestelakoan, emakumezkoen beste batela seigarren izan zen, eta kadeteen ontzia bosgarren. Gizonezkoetan, hauxe izan zen besteen lana: infantilak hamargarren sailkatu ziren, eta kadeteak hamaikagarren. Continue reading ‘Bi bigarren postu’