Monthly Archive for maiatza, 2016

Asteburuko emaitzak

Ondarroako traineru estropadako sailkapena:

V Antiguako Ama Estropada_Azken denborak (2)

Beteranoen Ligako bigarren estropadako sailkapena:

beteranoak

Euskadiko Trainerilla Txapelketako sailkatze estropadan, larunbatean, jubenilak hamargarren izan ziren, eta ez ziren sailkatu finalera, ezta Federazio Sarira ere.

 

Zumaia bosgarren Ondarroako traineru estropadan; Zumaia B hamahirugarren.

Ondarroako traineru estropadan, gaur eguerdian, Zumaia bosgarren izan da, eta Zumaia B hamahirugarren. Urdaibaik irabazi du. Erlojuaren aurka aritu dira.

1. Urdaibai 20.41
2. Portugalete 20.43
3. San Juan 20.59
4. Deustu 21.03
5. Zumaia 21.16
6. Ondarru 21.19
7. Kaiku 21. 22
8. Zierbena 21.25
9. Hondarribia B 21.30
10. Orio B 22.36
(…)
13. Zumaia B 22.07
(…)
21. Kaiku B 21.58

Asteburuko estropadak

Bete-betea dator asteburua Zumaiako arraunlarientzat. Estropada askotan ariko dira.

Traineruetan, Telmo Deun Ondarroan izango da larunbat eguerdian, denboraldi-aurreko estropadan parte hartzen. Hilabete baino gutxiago falta da ekainaren 19an San Miguel liga hasteko (Zumaia liga nagusian ariko da hiru urteren ondoren), eta test ona izango da prestakuntza nola doan ikusteko. Zumaia B ere Ondarroan izango da. Erlojuaren aurkako estropada izango da, hiru txandetan banatuta. Zumaia B aurrenekoan joango da, eta Zumaia A azkenekoan, aurkariak hauek dituela: Portugalete, Zierbena, San Juan, Urdaibai eta Kaiku. 12:00etan aterako da lehen txandako aurreneko ontzia.

Trainerilletan, bukatu zela denboraldia zumaiarrentzat azaldu genuen astearen hasieran, baina Euskadiko Txapelketan parte hartzeko aukera orain ez dago Gipuzkoako Txapelketako sailkapenaren arabera, eta Zumaiako jubenilen ontzia Mutrikun izango da larunbatean, 16:30etik aurrera estropadan parte hartzeko. Aurreneko lau denbora onena egiteko gai badira, finalean izango dira igandean (11:00). Hala ez bada, bosgarrenetik zortzigarrenera bitarteko denbora egin dutenek kontsolazio finala jokatu beharko dute. Jubeniletan, larunbatean, 11 talde ariko dira lehian.

Traineruetan eta beteranoetan, Ligako bigarren estropada izango dute igandean, Orion, eta hantxe izango dira Zumaiako Beteranoak. 11:00etan hasiko da estropada. Erlojuaren aurka ariko dira, bi txandetan banatuta. Zumaiarrak bigarrengoan aterako dira, Deusturen atzetik, eta Getxo eta Arkoteren aurretik.

Bukatu da trainerilla denboraldia Zumaiarentzat

Gipuzkoako Trainerilla Ligako azkeneko estropada jokatu zuten atzo Hondarribian, eta gaurko Gipuzkoako Txapelketara sailkatzeko estropada ere bazen.

Zumaiak emaitza hauek atera zituen atzo:

-Jubenilak: zazpigarren.
-Seniorrak (Federazio Saria): seigarren.
-Seniorrak (Liga): zazpigarren.

Ligako sailkapenean, honela bukatu dute:

-Jubenilak: bosgarren.
-Seniorrak (Liga): zazpigarren.

Gipuzkoako Txapelketan aritzeko ez ziren sailkatu zumaiarrak, baina aukera hori izan ez duten ontziek Federazio Saria jokatu dute, Hondarribian bertan.  Jubeniletan eta seniorretan aritu dira zumaiarrak, eta bigarren egin du bi mailetan. Gutxi behar izan dute biek Saria irabazteko, segundo bat bakarrik atera dielako Hernanik jubeniletan, eta bost segundo Zarautzek seniorretan.

 

Trainerilla Ligako hirugarren estropadako emaitzak

Gipuzkoako Trainerilla Ligako hirugarren estropada jokatu zuten larunbatean, Orion. Han izan zen Zumaia, hiru ontzirekin, hirurak gizonezkoenak: jubeniletan bat, eta seniorretan bi.

Jubenilak seigarren izan ziren; seniorretan, Federazio Sarian ari den trainerilla bederatzigarren sailkatu zen, eta Ligako lehian ari dena zortzigarren.

Sailkapenak, hemen: http://www.fgremo.com/data/docs/resultados/160507_orio.pdf

Igandean zen jokatzekoa laugarren jardunaldia, Getarian, baina bertan behera geratu zen, haize handia zebilelako.

Hiru jardunaldi jokatu ondoren, hauek dira sailkapenak: http://www.fgremo.com/data/docs/clasificaciones/puntos_trainerillas20.pdf

Hurrengo bi estropadak datorren asteburuan izango dituzte. Larunbatekoa Pasai Donibanen zen jokatzekoa, baina Getarian izango da azkenean (17:00etan). Igandekoa Mutrikun da (11:00etan).

Infantilak laugarren Espainiako Batel Txapelketan

Vigon (Galizia), jokatu dute larunbatean eta igandean Espainiako Batel Txapelketa, eta Zumaiako Arraun Elkarteko infantil gizonezkoek laugarren egin dute. Finalerako sailkatu ziren larunbatean, beste lau talderekin batera, eta igandeko estropadan, finalean, ezin izan zuten dominarik irabazi; gutxigatik, baina ezin. Izan ere, oso tarte txikian sartu ziren bigarrena, hirugarrena eta laugarrena. Rianxok irabazi zuen (4.31), Castro izan zen bigarren (4.34), Cabo hirugarren (4.35), Zumaia laugarren (4.36), eta Bueu bosgarren (4.43).

Denboraldi bikaina egin dute Iñaki Aristi eta Aitor Alzibarrek entrenatu dituzten arraunlariek. Gipuzkoan eta Euskadin txapelketak irabazi zituzten, eta Gipuzkoako liga ere bereganatu zuten.

Horrenbestez, amaitu da batel denboraldia.

Orain, trainerillen  txanda izango da, eta hain zuzen, aurreko asteburuan ekin zitzaion Gipuzkoako ligari. Donostian lehiatu ziren larunbatean, eta Zarautzen igandean. Zumaiako jubenil  eta senior gizonezkoek egin zuten arraun larunbatean, eta jubenilek bakarrik igandean. Laugarren egin zuten jubenilek bi estropadetan, eta seigarren seniorrek larunbatean.

Hurrengo bi estropadak datorren asteburuan dira: larunbatean, Orion, 16:00etan, eta igandean, Getarian, 11:00etan.