Monthly Archive for ekaina, 2015

Bi bandera irabaziz estreinatu du Zumaiak klubeko eskudo berria

Ederra zetorrela asteburua Zumaian arraunarentzat, eta bai asmatu ere. Bete-betekoa izan da. Uretan, emaitza bikainekin etorri da, eta lehorrean, berrikuntza handi batekin.

Biak uztartzen hasita, uretakoa jarduna eta lehorrekoa, Zumaiako Arraun Elkartearen irudi berriak bedeinkazio ezin hobea jaso du…uretan eta biharamunean.

Larunbatean bistaratu zuten aurrenekoz eskudo berria, Arranplan, jendaurrean. Arraunlarien ohiko aurkezpena egiteko ere erabili zen ekitaldia, Jon Maiaren gidaritzapean.

Kaixo esan zigun, kaixo esan genion irudi berri honi:

logoa

 

Anjel Etxaniz, klubeko presidenteak hitza hartu zuenean, hauxe adierazi zuen ikurraren inguruan izan den ika-mikaren inguruan: “Denok elkarrekin, izan gaitezen denok norabide berean arraun egiten duen herria”. 

Eta denak elkarrekin azaldu zirenak arraunlariak eta entrenatzaileak izan ziren, urtero egin ohi den agerraldian:

OLYMPUS DIGITAL CAMERA

Aurretik, estropada jokatuak ziren harrobiko gazteak, herrian bertan. Hantxe amaitu zen bateletako Gipuzkoako Udaberri saria, eta emaitza hauekin bukatu zuten zumaiarrek: emakumezkoetan, kadeteak bigarren izan ziren, eta gizonezkoetan, infantilak ere bigarren, eta kadeteak laugarren. Sailkapen nagusian, honela bukatu dute: emakumezko kadeteak hirugarren; gizonezkoetan, infantilak ere hirugarren, eta kadeteak seigarren.

klausser

klausser

neskak zumaia ha

klausser

klausser

klausser

Uretako festa igandean lehertu da. Bi bandera ekarri ditu Zumaiak. Gipuzkoako ligako hirugarrenean, hirugarrena ere Zumaia Salegi Jatetxeak irabazi du. Zazpi segundo atera dizkio San Juani, eta bederatzi Hibaikari. Sailkapen nagusian, sendotu egin du lehen postua Zumaiak.

neskak zua

Minutu batzuk lehenxeago Elantxobetik etorri da eguneko beste albiste potoloa. Zumaiak irabazi egin du KAE 1 ligako hirugarren estropada. Bere txandan nagusitu da (bigarrenean) eta azkeneko txandakoen denbora baino hobea egin du. Ondarroa izan da bigarren bost segundora, eta Getaria hirugarren hamahiru segundora. Sailkapen nagusian, Getariak 34 puntu dauzka, eta Zumaia bigarren jarri da, 28rekin. Isuntza eta Ondarroak dira hirugarren eta laugarren, 27rekin.

elantx

Ea hurrengo asteburua ere hau bezain ederra izaten den Zumaiako arraunzale guztientzat.

Bi estropada Zumaian asteburu honetan

Asteburu ederra dator ZUMAIAn bertan arraunarentzat!

-Bihar larunbata, 11:30ean, batelen estropada, Urola ibaian, Gipuzkoako Udaberri sariko azkeneko jardunaldia.

-Gero, 13:00etan, Arranplan, traineru denboraldiaren aurkezpena, gure arraunlariekin, gure entrenatzaileekin…eta Arraun Elkarteko eskudo berriaren aurkezpena ere bai.

-Igandean, 12:45ean, emakumezkoen traineru estropada bikaina: Gipuzkoako ligako hirugarren jardunaldia. Urola ibaian izango da, erlojuaren aurka binaka, eta aukera ederra arraunlarien lana bertatik bertara ikusteko.

Eta ELANTXOBEn, KAE 1 ligako hirugarren jardunaldia, igandean, 12:00etan. Hantxe izango da TELMO DEUN. Bigarren txandan joango da, Donostiarra, Ondarroa eta Santurtzirekin.

Eta SESTAOn, bihar larunbata, Beteranoen ABE ligako estropada, 18:00etan. Hantxe izango dira Zumaiko Beteranoak.

Ekainaren 27an…

Badator ekainaren 27a. Larunbat honetan da. Egun berezia izango da Zumaiako Telmo Deun Arraun Kirol Elkartearentzat.

Arranplan, 13:00etan, urteroko ohiturari jarraituz, traineru denboraldiaren aurkezpen ofiziala egingo da. Bertan egongo dira gure arraunlariak, gure entrenatzaileak zaleen aurrean aurkezpena egiteko.

Ekitaldiari berezitasuna emango diona hau da: egoerak hala behartuta, Zumaiako Telmo Deun Arraun Kirol Elkarteak eskudo berria egin behar izan du, eta ikur berri hori ere larunbatean aurkeztuko da.

 

 

Hasiera bikaina: bi bandera

zumaia zarautzen

Dotore hasi du Zumaiako Arraun Elkarteak traineru denboraldi ofiziala. Bi bandera irabazi ditu, biak Zumaiako Salegi Jatetxeak. Gipuzkoko ligan lortu ditu biak, larunbatean Pasai Donibanen eta igandean Zarautzen. Aurreneko jardunaldian, estu hartu zuen Hibaikak, eta bi segundo baino ez zizkion atera Zumaiak; igandean, aldiz, aise bota zituzten zumaiarrek aurkari guztiak. San Juan bigarrenari 16 segundo atera zizkioten, esate baterako. Esan beharrik ez dago ligako sailkapenean aurreneko postuan direla Kike Manterolaren arraunlariak.

Hurrengo estropada berezia izango da, Zumaian bertan jokatuko dutelako Gipuzkoako ligako hirugarren jardunaldia, datorren igandean, ekainaren 28an.

zumaia mutilak

KAE 1 liga ere asteburuan hasi zen, eta Zumaiak bi emaitza hauek izan zituen Zarautzen: larunbatean seigarren izan zen, Getaria garailetik 17 segundora. Igandean, hobetu egin zuen postua, laugarren izan zen, eta Getariak (igandean ere nagusi izan zen) hamabi segundo baino ez zizkion atera.

Ligako sailkapenean , zumaiarrak 7.ak dira, 16 punturekin. Getariak  24 dauzka, Isuntzak 19, Deustuk, Pedreñak eta Donostiarrak 17na, eta Ondarroak eta Zumaiak 16na. Atzetik daude Santurtzi, Zarautz (9na puntu), Orio (6 puntu), Elantxobe (4 puntu) eta Santoña (2 puntu).

Hurrengo estropada Elantxoben izango da, datorren igandean, ekainaren 28an, 12:00etan.

Zarauzko igandeko estropadako argazki bilduma hemen, KLAUSSERrek egina: https://picasaweb.google.com/103466294641691248417/20150621Zarautz

 

Zumaiko Beteranoak ABE ligako  estropada izan zuten Zumaian larunbat arratsaldean, eta gutxi behar izan zuten trapua bereganatzeko. Ehunekoek galarazi zieten garaipena, eta Arkotera joan zen ikurriña. Zierbenak egin zuen hirugarren.

Harrobiko arraunlariek Tolosan izan zuten lana larunbat goizean, eta emaitza hauek atera zituzten: emakumezkoetan, promesak hirugarren izan ziren; gizonezkoetan, infantilak bigarren, eta kadeteak zortzigarren. Bateletako Udaberri sariko azkeneko estropada Zumaian izango da, datorren larunbatean, ekainaren 27an, 12:00etan.

Traineru denboraldi ofiziala hasiko da asteburuan

Zumaia protagonista izango da arraun munduan asteburu honetan. Traineru denboraldi ofiziala hastera doa, eta KAE 1 liga ariko da gizonezkoen Telmo Deun. Gipuzkoako liga ere bihar hasiko da, eta hantxe izango da emakumezkoen Zumaia Salegi Jatetxea.

Zumaiko Beteranoek herrian bertan izango dute estropada bihar, eta harrobiko arraunlariek Tolosan daukate Batelen Gipuzkoako Udaberri sariko estropada.

KAE 1 ligako goiko partean ibili nahi du Zumaiak, iaz bezala. Bihar ekingo dio Ligari, Zarautzen (17:00), eta aurreneko estropada denez, txandak zozketa bidez zehaztu ditu Ligak. Zumaiarrak aurrenekoan joango dira, Getaria, Ondarroa eta Santoñarekin. Iaz bezala, Patxi Frances da entrenatzailea, eta gutxi asko iazko taldearen antzekoa dauka bere aginduetara. Bost bat hutsune daude iaztik, eta harrobiko arraunlariekin bete da utzi dutenen lekua. Denboraldi-aurreko estropadetan maila ona eman du taldeak, eta ematen du goian ibiltzeko moduan izango dela aurten ere Telmo Deun.

KAE 1 ligako bigarren estropada puntuagarria Zarautzen bertan izango da, igande honetan (12:15), eta ETB 1ek emango du.

Gipuzkoako Liga irabazteko hautagai nagusia da Zumaia Salegi Jatetxea. Oso talde indartsua osatu du Kike Manterolak, eta dena irabaziko dutela zabaldua dago arraun munduan. 2013an Kontxako Bandera irabazi eta denboraldi zoragarri hura osatu zuten taldeko arraunlari bat itzuli da, eta gainera, Kontxan bost aldiz garaile izan zen Galiziako arraunlari bat ere taldera batu da. Bihar, Pasai Donibanen dute LIga honetako hasiera, 17:30ean, erlojuaren aurka, eta igandean, Zarautzen daukate bigarren jardunaldia (11:30), hau ere ETB 1ek emanda. Bederatzi ontzi ariko dira Liga honetan: Oiartzun, Hernani, Donostia-Arraun, Hibaika, San Juan, Orio, Zarautz-Getaria, Colindres eta Zumaia.

ABE ligako jardunaldia Zumaian izango dute bihar beteranoek, 17:30ean hasita. Txukun dabiltza zumaiarrak, eta saiatuko dira bandera irabazten, iaz egin zuten bezala. Eremu berrian ariko dira, brankaz egingo dutelako arraun arraunlariek, Paolaldetik aurrera.

Batelen Udaberri Saria Tolosan izango da bihar, 11:00etan, eta hantxe izango dira arraunlari zumaiarrak, harrobikoak.

Asteburuko emaitzak

Zumaiak bateletan eta traineruan hartu du parte asteburuan.

Bateletako Gipuzkoako Udaberri Sarian, Hernanin izan zen estropada larunbatean, eta hauek izan ziren zumaiarren emaitzak: emakumezkoetan, promesek hirugarren egin zuten. Gizonezkoetan, infantilak bigarren izan ziren, eta kadeteak zazpigarren.

Traineruetan, Gure Esku Dago estropada jokatu zen atzo igandez Lekeition. Hantxe izan ziren Zumaia A eta Zumaia B, biak  gizonezkoetan.

Zumaia Bk erlojuaren aurka egin zuen lan, binaka, eta Bermeo B aise menderatu zuen. Azkeneko sailkapenean, hamargarren sailkatu ziren zumaiarrak.

Zumaia B, atzo Lekeition.  KLAUSSER

Zumaia B, atzo Lekeition.
KLAUSSER

Zumaia A txanda bidez leihatu zen, eta alboan KAE 1 Ligako aurkariak izan zituen: Ondarroak egin zuen aurrena, Isuntza bigarren izan zen sei segundora; Zumaia Ak hamabi segundo galdu zituen Ondarroarekiko, eta hiru atera zizkion Donostiarrari.

Hondarribiak irabazi zuen Gure Esku Dago bandera.

Zumaia A, atzo Lekeition. KLAUSSER

Zumaia A, atzo Lekeition. KLAUSSER

KAE 1 liga datorren asteburuan hasiko du Zumaia Ak, Zarautzen, larunbatean eta igandean.

 

 

Asteburuko estropadetako emaitzak

Espainiako Trainerilla Txapelketan, Zumaiako senior emakumezkoek ezin izan zuten denboraldi zoragarria biribildu, bigarren egin zutelako San Juanen atzetik. Gutxi behar izan zuten balentria osatzeko, 10 ehunen bakarrik falta izan zitzaizkielako txapelketa hau ere irabazteko. Chapela (Galizia) sailkatu zen hirugarren, atzo eguerdian Santanderren (Espainia) jokatu zen estropadan.

Ontzi txikietan bikain moldatu dira, atzokoa kenduta beste txapelketa guztiak eta Gipuzkoako Trainerilla Liga irabazi dituztelako aurten bateletan eta trainerilletan.

Hemendik aurrera erabat murgilduko dira traineruan. Aspaldi hasi zuten prestakuntza, eta doitu egin beharko dute orain, zirraraz beteriko sasoia datorkielako. Aurreneko estropada ofiziala Pasai Donibene izango dute gainera: Gipuzkoako Ligako lehen jardunaldia.

Mutrikuko Traineru Estropadan, Zumaiako gizonezko seniorrak zazpigarren izan ziren. Txandan azkena egin zuten, Getariaren eta Isuntzaren atzetik. Bi horien artean segundo bat ere ez zen egon, eta Telmo Deuni 21 segundo atera zizkioten. Denboraldi ofiziala prestatzeko bidean beste pauso bat izan zen atzokoa, emaitzak emaitza. Hondarribiak irabazi zuen bandera.

Bateletako Gipuzkoako Udaberri Sarian, Zumaiako batelen emaitzak hauek izan ziren: kadete emakumezkoak hirugarren izan ziren; infantil gizonezkoak bigarren; eta kadete gizonezkoak zazpigarren.  Kadete emakumezkoek gutxi behar izan zuten Trintxerpen jokatu zen estropada irabazteko, bi segundora geratu zirelako.

 

 

Asteburuko estropadak

Betea dator asteburu hau ere Zumaiako Arraun Elkarteko arraunlarientzat eta gainerako kideentzat. Batelak, trainerillak eta traineruak uretan izango dira gaur eta bihar, han eta hemen.

Espainiako Trainerilla Txapelketa izango dute senior emakumezkoek Santanderren (Espainia) gaur eta bihar. Sailkatze estropad daukate gaur (18:00), eta finala bihar (10:30etik aurrera). Finalean aritzeko sailkatu egin behar gaur, baina ez du ematen horretarako arazo handirik izango dutenik zumaiarrek. Izan ere, faboritoak dira txapelketa irabazteko. Garaile aterako balira, marka handia ezarriko lukete, ontzi txikietako (batelak eta trainerillak) txapelketa guztiak irabaziko bailituzkete denboraldi berean.

Aurkariak hauek dira: Galiziako Meira, Chapela eta Mecos; Kantabriako Astillero eta Santoña; eta Euskal Herriko San Juan.

Bateletan, Gipuzkoako Udaberri Saria izango da jokoan Trintxerpen. Hirugarren jardunaldia da gaurkoa (11:00), eta hantxe izango da Zumaia hiru ontzirekin: nesketan kadeteak ariko dira, eta mutiletan infantilak eta kadeteak.

Traineruetan, Mutrikuko denboraldi-aurreko estropada jokatuko dute bihar (11:00), eta hantxe izango da KAE 1 Ligako Zumaia. Txandakideak Getaria eta Isuntza izango ditu. Beste traineruak hauek dira: Getxo eta Hibaika; Orio B eta Arkote; Zarautz eta Santurtzi; Ondarroa eta Donostiarra; eta azkenik, San Juan, San Pedro eta Hondarribia. Emakumezkoen lehia ere izango da, baina ez da Zumaia ariko, trainerilletako Espainiako Txapelketa duelako.

Zumaiko Beteranoek Donostian daukate gaur eguerdian estropada (12:00), ABE Ligako hirugarren jardunaldikoa.

Euskadiko txapeldun ere bai

Zumaiako emakumezko seniorrek beste garaipen bat bildu zuten atzo goizean, Mutrikun: Euskadiko Trainerilla Txapelketa. 11 segundo atera zizkioten Oriori, 15 San Juani eta 19 Hibaikari. Ontzi txikietan txapelketa guztiak irabazi dituzte, eta bakarra geratzen zaie denboraldia erabat biribiltzeko: Espainiako Trainerilla Txapelketa. Asteburuan jokatuko dute Santanderren (Espainia).

euskadiko txapeldun

Traineruetan, Zumaia Ak sekulako emaitza ona lortu zuen larunbatean Ondarroako Antiguako Ama estropadan. Denboraldi ofiziala hasteko aste gutxi batzuk falta dira, eta test ona izan zen zumaiarrentzat. Kaikuk irabazi zuen, 24 segundora geratu zen Zumaia A, 28ra Ondarroa, 30era Getaria eta 32ra Deusto. Ondarroa, Getaria eta Deustu KAE 1 Ligako aurkariak izango dira Zumaiarentzat. Ekainaren 20an eta 21ean jokatuko dituzte KAE 1 Ligako lehen bi estropadak, Zarautzen.

Estropada berean, Ondarroan, Zumaia B azkena izan zen.

Beteranoek Orion izan zuten estropada igandean, ABE Ligako bigarrena, eta laugarren egin zuten. Arkote izan zen azkarrena, Zierbenak egin zuen bigarren, Pontejosek hirugarren eta zumaiarrek laugarren.

Bateletan, Gipuzkoako Udaberri Sariko bigarren jardunaldia izan zuten harrobiko arraunlariek larunbatean Errenterian. Zumaia hirugarren izan zen kadete emakumezkoetan, eta mutiletan, infantilak bigarren sartu ziren, eta kadeteak seigarren.