Monthly Archive for uztaila, 2009

Bigarren izan da Zumaia emakumeen Euskadiko Txapelketan

Hondarribian jokatu da gaur eguerdian emakumeen Euskadiko Traineru Txapelketa, eta Zumaia bigarren izan da. Lau luzetera eta hiru ziabogatara jokatu dute. Getaria-Tolosa izan da txapeldun. Gizonezkoetan, Kaikuk irabazi du, aise.
Hemen bi estropadetako sailkapenak: http://www.kirolak.net/eu/detalle_noticia.asp?volver=1&id=244&deporte=todos&iddeporte=remo

Bihar eta etzi hiru estropada Zumaian

Bihar eta etzi hiru estropada jokatuko dira Zumaian, eta Zumaiako Arraun Elkarteko hiru traineruk hartuko dute parte hitzordu horietan. Bihar, 18:30ean (ETB 1), Euskotren ligako bosgarren jardunaldia jokatuko da, eta herriko arraunlariek ordezkatuko dute Gipuzkoa. Bigarren dira sailkapenean gipuzkoarrak, galiziarren atzetik. Bi ontzioz gain, Bizkaia eta Katalunia ere ariko dira. Bi luzetara jardun beharko dute, ziaboga bakarrera.
Gero, 19:00etan (ETB 1), San Miguel ligako bederatzigarren estropada jokatuko da, eta Zumaia lehen txandan ariko da, Arkote, Meira eta Tiranekin. Bederatzigarren dira zumaiarrak sailkapenean. Igandean ere lana izango dute, hamargarren jardunaldia Getxon (12:00etan, ETB 1).
Igandean, bertan, KAE 2 ligako estropada jokatuko da, 12:00etan, eta Zumaia B bertan izango da. Txandakideak Santander, Mundaka eta Colindres izango ditu. Zortzigarren daude sailkapenean. Aurretik, ordea, bihar, Getxon daukate estropada zumaiarrek, 13:30ean. Ligakoa hori ere.

Etzi, asteazkena, aurkeztuko dute Zumaiako 24. Ikurriña estropada

Datorren zapatuan Zumaian izango da San Miguel liga. Bederatzigarren estropada jokatuko da Zumaiako 24. Ikurriña izenarekin, eta aurkezpena etzirako antolatu dute. 12:00etan izango da, Algorri Interpretazio Zentroan.

Zumaia B zazpigarren Santanderren

KAE 2 ligako zortzigarren estropada jokatu da Santanderren (Espainia), eta Zumaia B zazpigarren izan da. Ohi bezala, arazoak izan dira eremuan, eta laugarren balizan beste boia bat kateatuta zegoelako, erlojuaren aurka bota behar izan dituzte traineruak.
Bandera Getxok irabazi du, Santanderren eta Trintxerperen aurretik. Sailkapen nagusian, Zumaia Bk zortzigarren segitzen du.
Jokin Urkidi gustura dago lanarekin: “Ondo jardun dugu, baina itsasoan izan ez denez, gu baino indar handiagoa duten koadrilek aurrea hartzen digute. Baina gustura gaude. Aukeran, nahiago itsasoan jardun, hartzen ari garelako neurria halako estropadei. Datorren asteburuan biak dira itsasoan, Getxon zapatuan, eta Zumaian bertan igandean, eta ea postu batzuk gora egiten dugun”.
 

Gaur ere zortzigarren Zumaia San Miguel ligan

Atzoko emaitza bera lortu du Zumaiak Plentzian, San Miguel ligako zortzigarren estropadan. Zortzigarren izan da. Gaur ere lehen txanda irabazi du, Tiran, Meira eta Arkoteren aurretik. Bandera Castrok irabazi du. Sailkapen nagusian, Zumaiak bederatzigarren jarraitzen du.

Luxiak honela aztertu du bere arraunlarien lana: “Bastante lan ona egin dugu. Atzokoaren antzekoa, eta bada zerbait bi egun jarraian lan txukuna egitea. Gure helburua txanda irabaztea da, eta gero ahal bada, besteren bat atzean uztea. Gaur ere lortu dugu hori, Kaiku atzetik sartu delako. Bestelakoan, ematen du gorago dauden ontziak harrapatzea ezinezkoa dela. Esaterako, gaur Zarautzek sekulako estropada egin du. Ez dakit alderik egon den gure txandatik besteetara haizean, baina ez da normala lehen luzean gure aurretik izatea sei bat segundoan bigarren txandako ontziak, lehen luzean ez delako alde handirik ateratzen. Batzuek esaten dute aldea egon dela haizearekin, eta beste batzuek ez”.

Gaurko sailkapena: http://www.ligaact.com/resultados/regata.php?idioma=euskara&Nregata=1238415719

Sailkapen nagusia: http://www.ligaact.com/resultados/index.php?idioma=euskara

San Miguel ligako hurrengo estropada Zumaian jokatuko da, datorren zapatuan, 19:00etan hasita.  

Zumaia zortzigarren Pedreñan

San Miguel ligako zazpigarren estropadan, Zumaia zortzigarren izan da Pedreñan (Espainia). Lehen txandan ariu da, eta ondo irabazi die Meira, Tiran eta Arkoteri. Castrok irabazi du bandera.

Hemen sailkapena: http://www.ligaact.com/resultados/regata.php?idioma=euskara&Nregata=1238415685

Luxiak honela aztertu du gaurkoa: “Asteazkenean baino askoz lan hobea egin dugu. Estropada ona egin dugu. Haizea kontra genuela hobeto joan gara, eta alde geneukala, palada batzuk igo behar genituen. Baina gustura nago. Ea bihar ere lan ona egiten dugun. Bi egun jarraian lan ona egitea lortu nahi dugu”.

Sailkapen nagusian bederatzigarren segitzen dute: http://www.ligaact.com/resultados/index.php?idioma=euskara

Bihar, zortzigarren jardunaldia jokatuko da, Plentzian (12:00etan, ETB1), eta itsaso zabaleko lehen estropada izango da.

Zumaia B seigarren Pasaian

Gaur eguerdian jokatu da Pasaian KAE  2 ligako zazpigarren estropada, eta Zumaia Bk seigarren egin du. Erlojuaren aurka jardun dute ontziek, eta Deustuak irabazi du. Hemen dago sailkapena: http://www.liga-arc.com/index.php/regata/23/hibaikako-iii-ikurrina

Sailkapen nagusian zortzigarren dira zumaiarrak: http://www.liga-arc.com/index.php/resultados

Bihar ere estropada izango dute, Santanderren, 12:30etik aurrera.

Lau estropada dituzte arraunlariek asteburuan

Zumaiako arraunlariak lau estropadatan ariko dira asteburuan. San Miguel ligakoek bi izango dituzte, ohi bezala. Bihar Pedreñan daukate lana, 19:00etatik aurrera. Lehen txandan aterako da Telmo Deun, ontzi hauekin batera: Tiran, Meira eta Arkote. Etzi, Plentzian dute estropada, ligako zortzigarrena, 12:00etatik aurrera. San Miguel ligako sailkapena hemen dago: http://www.ligaact.com/resultados/index.php?idioma=euskara

KAE 2koek ere bi jardunaldi beteko dituzte asteburuan. Bihar, 12:00etan, Pasaian, erlojuaren aurka jardungo dute, eta etzi, 12:30ean, Santanderren daukate hitzordua.  KAE 2 ligako sailkapena hemen dago: http://www.liga-arc.com/index.php/resultados

Bigarren eta seigarren Gipuzkoako Txapelketan

Gaur jokatu da Getarian Gipuzkoako Traineru Txapelketa, eta Zumaiako bi ontziek bigarren eta seigarren egin dute. Emakumeak izan dira bigarren, garaiezina den Getaria-Tolosaren atzetik. 22 segundoko aldea egon da bien artean. Hirugarren Hondarribia sailkatu da, eta irabazleak 40 segundo kendu dizkio. Zumaiako arraunlariak gustura zeuden egindako lanarekin.

Gizonezkoetan bestelakoak izan dira kontuak. Seigarren egin dute, eta Luxiaren hitzetan, “denboraldiko estropada txarrena eginda”. Azkena izan dira bigarren txandan, Zarautzen eta KAE 1 Ligako Pasai Donibaneren atzetik. Honenbestez, Telmo Deun ez da izango Euskadiko Txapelketan, hilaren 31n, Hondarribian. Txapelketa San Pedrok irabazi du, segundoa baino gutxiago aterata Hondarribiari; Orio izan da hirugarren, ia 20 segundora, eta Zarautz laugarren 25era. Pasai Donibanek bukatu du bosgarren, 37ra, eta Zumaiari 45 kendu dizkio garaileak.

Zumaiako bi ontzi, bihar, Gipuzkoako Traineru Txapelketan

Bihar jokatuko da Getarian Gipuzkoako Traineru Txapelketa, eta Zumaiak bi ontzi izango ditu, bana gizonezkoetan eta emakumezkoetan. Azken horien lana 19:00etan hasiko da, eta aurkariak Getaria-Tolosa eta Hondarribia izango dituzte. Bigarren aldiz jokatuko da txapelketa, eta iaz, Zumaia-Getariak irabazi zuen.

Gizonezkoei dagokienez, bederatzi traineru aterako dira, hiru txandetan banatuta. Zumaia bigarrenean aterako da.

Txandak: 1. Trintxerpe, Hibaika eta Kaiarriba/ 2. Pasai Donibane, Zumaia eta Zarautz/ 3. Orio, Hondarribia eta San Pedro.

Palmaresean, Zumaiak bost aldiz irabazi du Gipuzkoako Txapelketa: 1981ean, 1983an, 1984an, 1985ean eta 1987an.