Monthly Archive for azaroa, 2015

Emakumezkoen taldea astelehenean hasiko da entrenatzen

Zumaiako emakumezkoen trainerua datorren astelehenean hasiko da entrenamenduetan. 19:00etan jarri dute ordua lehen saioa egiteko. Aurreko urteetan bezala, Kike Manterolak jarraituko du entrenatzaile lanetan. Azkeneko denboraldiko taldetik ez dute arraunlari guztiek jarraituko, baja batzuk daude, eta horregatik  Zumaiako Arraun Elkarteak deialdia egin du arraunean hasi nahi dutenentzat.

Zumaia Salegi Jatetxea erreferente handienetakoa izan da emakumezkoen traineru estropadetan. Hainbat eta hainbat garaipen handi lortu ditu urte hauetan: Euskotren liga, Gipuzkoako liga, txapelketak eta 2013ko Kontxako Bandera, besteak beste. Ontzi txikietan ere emaitza bikainak lortu ditu.

Beste denboraldi batez uretan izango da taldea, eta orain hasiko den lanak zehaztuko du udan nolako maila emango duten. Nahi duenak, beraz, badaki nora jo: astelehenean, 19:00etan, Itsas Kiroldegira.

neskak zua

Telmo Deun, aurten egindakoari segida emateko moduan

Hasi dituzte entrenamenduak senior gizonezkoek. Azaroaren 2an ekin zioten lanari, eta aurreko asteburuko larunbatean uretan izan ziren entrenatzen. Bi traineru osatu zituzten, eta zortzi bat arraunlari lehorreko lana egiten geratu ziren; horietaz gain, lauzpabostek ezin izan zuten azaldu entrenamendura. Beraz, horrek esan nahi du 35 bat arraunlarirekin hasi direla lanean.

Gustura dira Patxi Frances eta Rafa Gonzalez de Txabarri prestatzaileak, aurtengo taldeak ia osorik jarraitzen duelako. Hiru bakarrik dira utzi dutenak. Aurten arraun egin ez, baina iragan hurbilean Telmo Deunen arraun egin zuten hiru arraunlari itzuli dira, eta kanpoko beste bi ere azaldu dira, Zumaian arraun egin nahi dutelako; bi horiek esperientzia dute San Miguel ligan.

Prestakuntza hasi baino ez da egin, eta luze joko du oraindik… Urruti da uda, baina hala ere, orain lanak ondo egitea funtsezkoa da geroko. Ilusioa da nagusi; batetik, bi urteren buruan, Zumaia berriz ere San Miguel ligan izango delako; eta bestetik, bi urte hauetako lanari segida emateko moduan izango delako taldea. Ez da ia hutsetik hasi beharko, aurreko urte askotan gertatu izan den bezala.

IMG_0330

Harrobian, inoiz baino arraunlari gehiago

Seniorretan albiste onak diren bezala, beste horrenbeste gertatzen ari da harrobiko arraunlarien inguruan ere, Inoiz baino gazte eta ume gehiago dabil entrenatzen, eta garbi dago, harrobia osasuntsu dagoela. 6oren bueltan dago arraunlari kopurua aurten. Zumaiako Arraun Elkartearen oinarri nagusia harrobiko lana izanik, hain kopuru handian klubean aritzea oso pozgarria da.

Harrobiko arraunlarien entrenatzaileen kasuan, aurtengo batzuek segi egiten dute, eta beste batzuk berriak dira.

IMG_2493

Emakumezkoen taldean, zalantzak

Bestelako kontuak azaldu dira emakumezkoen senior taldean. Dena da zalantza momentu hauetan, eta egun edo aste batzuk igaro beharko dira kontu guztiak argitzeko.

IMG_0122

ARGAZKIAK: Klausser