Monthly Archive for martxoa, 2016

Gipuzkoako Batel Ligako estropada, larunbatean, Orion

Badoa aurrera Gipuzkoako Batel Liga, eta azken-hirugarren jardunaldia jokatuko dute larunbat honetan, Orion. 10:30ean hasiko da estropada. Hantxe izango dira zumaiarrak.

Ligako orain arteko sailkapenak, hemen ikus daitezke: http://www.fgremo.com/data/docs/clasificaciones/puntos_bateles44.pdf

Asteburuan, batelak Errenterian eta Orion; traineruak Pasai San Pedron

Oso betea dator asteburua arraun munduan, batel eta traineru estropadak izango direlako larunbatean eta igandean.

Gipuzkoako Batel Ligan, Errenterian jokatuko dute larunbatean, 12:15ean, 11. jardunaldia. Igandean, Orion izango dira, 12:00etatik aurrera, hamabigarren jardunaldian. Hantxe izango dira zumaiarrak.

Traineru jaitsiera Pasai San Pedron jokatuko dute, larunbatean, 17:00etan hasita. Zumaiak hiru ontzi izango ditu uretan: beteranoak, eta seniorretako biak (Zumaia A eta Zumaia B).

Test interesgarria izango da guztientzat, ikusteko prestakuntza bide onetik doan. Orion jokatzekoa zen jaitsiera egin ez izanak garrantzia handiagoa eman dio Pasai San Pedrokoari. San Miguel ligako talde hauek ariko dira, Zumaiarekin batera: Zierbena, Astillero, San Pedro, San Juan, Orio, Urdaibai eta Hondarribia.

Seigarren estropada jarraian irabazi dute infantil gizonezkoek Gipuzkoako Batel LIgan

Pasaian jokatu zen atzo Gipuzkoako Batel Ligako hamargarren estropada, eta Zumaiak beste garaipen bat ekarri zuen. Oraingoa ere infantil gizonezkoen Zumaia A batelak lortu zuen, eta dagoeneko seigarren garaipena du segidan. Orain arteko alderik handiena atera zieten Orio Ari: 14 segundo. Sendotu egin du lehen postua Ligan.

Atzoko emaitza guztiak, hemen: http://www.fgremo.com/data/docs/resultados/160313_trintxerpe.pdf

Datorren asteburuan, bi estropada izango dira Batel Ligan: larunbatean, Errenterian (12:00), eta Orion igandean (12:00).

Gipuzkoako Batel Ligako hamargarren estropada, igandean, Pasaian

Gipuzkoako Batel Ligan, igandean izango dute estropada, Pasaian. 10:00etan hasiko da, eta hamargarren jardunaldia izango da. Orain arteko estropada guztiak kontuan hartuta, sailkapenak honela daude: http://www.fgremo.com/data/docs/clasificaciones/puntos_bateles41.pdf

Hiru garaipen Gipuzkoako Batel Ligan, asteburuan

Emankorra izan da asteburua Zumaiako Arraun Elkartearentzat Gipuzkoako Batel Ligan: hiru garaipen eskuratu ditu. Bi estropada jokatu dituzte, larunbatean Donostiako Loiola auzoan, eta igandean, herrian bertan, Zumaian. Hiru garaipenetatik bi infantil gizonezkoen Zumaia A batelak lortu ditu, eta sailkapen nagusian sendotu egin da lehen postuan. Bost jardunalditan izan dira azkarrenak zumaiarrak, eta hirutan Orio A; horrenbestez, Zumaia Ak tartea zabaldu die oriotarrei sailkapenean, handia ez bada ere.

Hirugarren garaipena kadete emakumezkoek lortu zuten larunbatean. Hauena denboraldiko aurrenekoa izan da.

Beste maila guztietan ere emaitza txukunak lortu ditu Zumaiak, bide onean lan egiten ari direla erakutsiz.

Larunbateko emaitzak, hemen: http://www.fgremo.com/data/docs/resultados/160305_loiola1.pdf

Igandeko emaitzak, hemen: http://www.fgremo.com/data/docs/resultados/160306_zumaia.pdf

Zumaiako estropadako argazki bilduma, hemen ikusgai: http://baleike.eus/zumaia/1457286754744

Argazkilaria: Gorka Zabaleta (baleike.eus)

Datorren igandean, Pasaian

Pasaian izango du segida Gipuzkoako Batel Ligak datorren larunbatean. Hamargarren jardunaldia jokatuko dute. Berez, jokatu, bederatzi jokatu dituzte, Trintxerpekoa, aurreko asteburukoa, bertan behera geratu zelako eguraldi txarragatik.

Zumaian izango da Gipuzkoako Batel Ligako estropada igande honetan

Badoa aurrera Gipuzkoako Batel Liga, eta asteburuan, bi estropada izango dituzte, zortzigarren eta bederatzigarren jardunaldiak, hain zuzen. Igandekoa, Zumaia jokatuko da. 11:00etan hasiko da, eta batel eta arraunlari asko arraunean ikusteko aukera polita izango da. Tartean zumaiarrak, jakina: hamabi batel daude izena emanda Zumaiako Arraun Elkartetik. Arranpla parean izango da hasiera eta helmuga, eta Paolaldera joan-etorrian ibili beharko dute batelek. Mailaren arabera, ibilbidea luzeagoa edo motzagoa izango da.

Hemen dago, eremuaren argazkia.

Bezperan, larunbatean, Donostiako Loiola izango dute Ligako estropada. 11:30ean hasiko da.

Aurreko asteburuko estropada, Trintxerpekoa, ez zen jokatu, eguraldi txarragatik.

Ligako sailkapen orokorrak, hemen.

Patxi Francesen iritziak bildu ditu ACT TVk, eta prestakuntzaz eta udarako asmoez jardun du

Telmo Deuneko entrenatzaileari elkarrizketa egin diote ACT TVn (San Miguel ligaren telebista).

Hemen lotura:

https://www.youtube.com/watch?v=Xo5aq3Gu62Y