Monthly Archive for urtarrila, 2011

Bitik bi

Gaur ere etxean nagusi emakumezkoak: Zumaia Ak bigarren estropada ere irabazi egin du Gipuzkoako Batel Ligan. Aurreko asteburuko emaitza bera lortu du, eta paregabe ekin dio lehiaketari. 9.17,64 izan da etxeko ontziaren denbora, eta 15 segundo atera dizkio San Juan Ari, eta tarte bera Tolosaldeari; Zumaia B laugarren izan da (9.43,78). Emakumezkoekin segituz, kadeteek laugarren denbora onena egin dute, Hibaika garailetik 20 segundora.zumaia-a-neskak-30-01-11.jpgJune Aranbarri, Irati Zubieta, Maite Amilibia eta Leire Antia gaurko estropadan, Nagore Osoro patroi dutela. Ahaleginak saria eman die (KLAUSSER) Continue reading ‘Bitik bi’

Igandean, berriz ere batelak Zumaian

Gipuzkoako Batel Ligako bigarren estropada ere Zumaian jokatuko dute, igandean, etzi. 11:00etan izango da, eta aurreko larunbatean bezala, erlojuaren aurka lehiatuko dira. Zumaiako Arraun Elkarteko sei batelek jardungo dute lanean: emakumezkoetan hiru izango dira, bi seniorrak eta kadete mailako bat; gizonezkoetan ere beste hiru lehiatuko dira; infantil, kadete eta jubeniletan bana. Lehen jardunaldian lanik onena emakumeek egin zuten, seniorretan, garaile izan zelako Zumaia A. Jubeniletan ere lan ona egin zuten, bigarren bukatu baitzuten.p1000767.JPG Zumaiako jubenilak, joan zen larunbateko estropadan.

Aurreneko estropadan, aurreneko garaipena

Ederki ekin dio Zumaiako Arraun Elkarteak Gipuzkoako Batel Ligari. Herrian bertan jokatu da estropada, erlojuaren aurka, eta emakumezkoetan lehendabiziko garaipena lortu dute. Zumaia A izan da onena (9.16,33), hiru segundo kendu dizkio Hibaika Ari, eta bederatzi Tolosaldea Ari; Zumaia B bosgarren sailkatu da, 22 segundora.p1000765.JPG Zumaia A, gaur lehian. Aurretik atzera: Leire Antia, Atsegin Odriozola, Irati Zubieta, June Aranbarri eta Nagore Osora patroia.

Continue reading ‘Aurreneko estropadan, aurreneko garaipena’

Zumaian hasiko da Gipuzkoako Batel Liga larunbatean

Datorren larunbatean, arraun giroa nagusi izango da herrian, Gipuzkoako Batel Ligako aurreneko estropada jokatuko baita. 16:00etatik aurrera, batel ugari lehiatuko dira, erlojuaren aurka Urola ibaian. Zumaiako Arraun Elkartearen ordezkaritza ere handia izango da, sei batel ariko direlako lehian: emakumezkoetan, kadeteek bat aterako dute, eta seniorrek bi. Gizonezkoetan, hiru izango dira: infantiletan, kadeteetan eta jubeniletan bana.Liga hasierak bete-betean harrapatuko du Zumaia. Izan ere, bigarren jardunaldia ere herrian jokatuko da. Igande honetan zortzi izango da, urtarrilaren 30ean, 11:ooetan hasita.neskak-jub-entren.JPG