Monthly Archive for apirila, 2015

Espainiako txapeldun ere bai

Espainiako Batel Txapelketa ere irabazi dute gure arraunlariek. Senior emakumekoen batelak ez du aurkaririk izan Moañan (Galizia) jokatu den txapelketan. Chapela izan zen bigarren, eta Meira hirugarren. Denboraldia biribildu du horrela Zumaiako batelak: aurretik, Gipuzkoako eta Euskadiko txapelketak irabaziak zituzten gure arraunlariek.

espainiako txapelketa

Gipuzkoako Trainerilla Ligako lehen jardunaldia: emaitzak

trainerillak donostia 1.1

Gipuzkoako Trainerilla Liga bihar hasiko da, eta lau ontzirekin joango da Zumaia

Gipuzkoako Trainerilla Liga bihar hasiko da Donostian, Loiola auzoan (11:00). Zumaiak lau ontzi aterako ditu: bi jubenil gizonezkoetan, eta beste bi senior emakumezkoetan.

Zortzi estropada jokatuko dituzte Ligan, eta gero izango dira txapelketak, Gipuzkoakoa eta Euskadikoa.

 

Emakumezko seniorrak Espainiako Batel Txapelketaren bila

Galizian dira Zumaiako emakumezko seniorrak, asteburuan han jokatuko baita Espainiako Batel Txapelketa. Moañan ariko dira Gipuzkoako eta Euskadiko txapeldunak beste txapelketa bat irabazteko lehian.

Bihar, larunbata, 17:00etan hasiko da sailkatze estropada, eta zumaiarren aurkariak hauek izango dira: Meira, Chapela, Mecos, Cabo da Cruz, Vilaxoan eta A Cabana (Galizia); Astillero (Cantabria) eta Lutxana. Bost onenak sailkatuko dira igandeko finalerako (10:00etan hasiko dira finalak).

 

San Telmo zozketako zenbaki sarituak: 10686 eta 2868

Zumaiako Arraun Elkarteak egin du aurten ere San Telmoetako zozketa, eta hauek izan dira bi zenbaki sarituak:

1. zenbakia: 10686

2. zenbakia: 2868

 

 

Euskadiko txapeldun ere bai

Igande gogoangarria bizi izan zuten atzo Zumaiako emakumezko seniorrek, eta aldi berean, nola ez, Zumaiako Arraun Elkartea osatzen duten kide guztiek. Arratsaldean, herriko trainerilla estropada irabazi bazuten, goizean Euskadiko Batel Txapelketa irabazi zuten Legutioko urtegian (Araba).

Hibaikari hiru segundoko aldea aterata lortu zuten garaipena. San Juan izan zen hirugarren 14 segundora, eta Lutxana laugarren, 21era.

Gipuzkoako txapelketa ere irabazi zuten zumaiarrek aurreko asteburuan.

Kontsolamenduzko finaletan, lan ona emakumezko kadeteek eta infantil gizonezkoek

Euskadiko Txapelketetako finalen aurretik, Kontsolamemduzko sariak jokatu zituzten, bezperan finaleterako sailkatu ez ziren aurreneko lau ontzien artean maila guztietan. Zumaiako emakumezko kadeteek irabazi egin zuten Kontsolamenduzko saria, eta infantil gizonezkoak hirugarren izan ziren.

euskadiko txapeldun

 

 

Hondarribia eta Zumaia txapeldun San Telmo Trainerilletako estropadan

Zumaiako emakumezkoek irabazi zuten atzo arratsaldean San Telmo Trainerilla Sariaren hirugarren ekitaldia.

Hauxe sailkapena:

1. ZUMAIA 11.35
2. Orio 11.41
3. San Juan 11.59
4. Getaria 12.16

Aurretik, gizonezkoen 32. ekitaldia jokatu zuten, eta Hondarribiak irabazi zuen. Zumaiako bi ontzien lana oso ona izan zen, eta hirugarren eta laugarren egin zuten.

Hemen sailkapena:

1. Hondarribia 10.15
2. Orio 10.24
3. ZUMAIA A 10.34
4. ZUMAIA B 10.37
5. Getaria 10.39
6. San Juan 10.39
7. San Pedro 10.47
8. Zarautz 10.57

 

san telmo saria

 

Zumaiako lau batel Euskadiko Txapelketan

Euskadiko Batel Txapelketa jokatuko dute bihar eta etzi Legutioko urtegian (Araba), eta hantxe izango dira Zumaiako lau batel: emakumezkoetan kadeteak eta seniorrak, eta gizonezkoetan infantilak eta kadeteak.

Biharko estropada sailkatzekoa izango da, eta igandeko finaletan aritzeko aukera izango dute jokoan batelek. 16:00etan hasiko da.

Igandeko finalak 11:00etan izango dira.

 

San Telmo trainerilletako estropada jokatuko da igande honetan

Ohiko hitzordua izaten da santelmoetan trainerilla estropada, eta aurten ete hutsik egin gabe dator. Igande honetan izango da, ohi bezala Zumaiako Arraun Elkarteak antolatuta. Gizonezkoen lehia 32.a izango da, eta emakumezkoena 3.a.

17:00etan hasiko da gizonezkoen lau txandekin, eta ondoren izango dira emakumezkoen biak.

Hauek dira txandak, eta txanden hurrenkera:

1. Zumaia B – Zarautz
2. San Juan – San Pedro
3. Orio – Hondarribi
4. Zumaia A – Getaria

Txandak neskak:

5. Zumaia – San juan
6. Getaria – Orio

 

 

Gipuzkoako txapeldun emakumezko seniorrak

Gipuzkoako Batel Txapelketa jokatu da asteburuan Pasai San Pedron, eta Zumaia irabazle izan zen emakumezko seniorretan. Hibaikak estu hartu zuen, eta bi segundo bakarrik sartu ziren aurretik zumaiarrak. Atzerago utzi zituzten Kike Manterolaren arraunlariek San Juan eta Orio, 18 eta 30 segundora hurrenez hurren.

Herriko beste batelei dagokienez, beste domina bat ere ekarri zuten. Brontzezkoa irabazi zuten emakumezkoetan infantil mailakoek. Gainontzean, emakumezko kadeteak laugarren sartu ziren. Beste batelak Federazio sarian aritu ziren, bezperan ez zirelako sailkatu finaletara. Infantil gizonezkoetan, irabazi egin zuten Federazio saria zumaiarrek; kadete gizonezkoen batela azkena izan zen Federazio sarian, jubenilak bezalaxe.

KLAUSSER

KLAUSSER

gipuzkoako txapelketa batelak 2015.jp

Euskadiko Batel Txapelketa izango da datorren asteburuan Legution, eta hantxe izango da Zumaiako ordezkaritza.