Monthly Archive for apirila, 2016

Espainiako Batel Txapelketan izango dira infantilak asteburuan, Vigon

Espainiako Batel Txapelketa jokatuko dute asteburuan Vigon (Galizia), eta han izango da Zumaiako infantil gizonezkoen batela. Sailkatze estropada larunbatean daukate, 17:00etan, eta finalak igandean izango dira. B mailako finalak (kontsolazio finalak) 10:00etan hasiko dira, eta final nagusiak 12:00etan.

Zumaiarren aurkariak hauek izango dira: Cabo da Cruz, Rianxo, Mar de Bueu eta Robaleira (Galizia); Castro eta Camargo (Kantabria); eta Orio, Bermeo eta Santurtzi (Euskal Herria).

Denboraldi ezin hobea ari dira egiten gure arraunlariak, dena irabazi baitute: Gipuzkoako liga eta txapelketa, eta Euskadiko txapelketa.

Gipuzkoako Trainerilla Liga hasiko da asteburuan: bi estropada jokatuko dira

Larunbatekoa 10:30ean hasiko da, eta Donostiako Loiola auzoan jokatuko da. Igandekoa Zarautzen da, 11:30ean.

Zumaiak bi trainerilla izango ditu uretan: jubenil gizonezkoena eta senior gizonezkoena.

Zazpi jardunaldiz osatua dago Liga, eta maiatzaren 21ean bukatuko da. Hurrengo egunean jokatuko dute Gipuzkoako Txapelketa.

Ikurriña, eta brontzezko domina Euskadiko Batel Txapelketan

Ederra joan da Euskadiko Batel Txapelketa Zumaiako Arraun Elkartearentzat. Urrezko domina eta brontzezko bana ekarri zituzten arraunlariek Legutioko urtegitik (Araba).

Infantil gizonezkoek txapelketa irabazi zuten. Bermeo, Santurtzi eta Arkote atzean utzi zituzten atzoko finalean. Hiruna segundo atera zieten Bermeori eta Santurtziri, eta bederatzi Arkoteri. Denboraldi paregabea daramate Aitor Alzibar eta Iñaki Aristik entrenatzen dituzten arraunlariek. Gipuzkoako bi lehiaketetan nagusi izan ziren (Ligan eta Txapelketan), eta orain, Euskadikoarekin osatu dute garaipen zerrenda potoloa.

mutilak ikurriña

Brontzezko domina emakumezkoek ekarri zuten, seniorren mailan. Atzoko finalean, San Juanek irabazi zuen, Hibaikaren aurretik (segundo berean sartu ziren biak), eta zumaiarrek Kaiku utzi zuten atzean; lehen biek hogei segundo sartu zizkieten zumaiarrei, eta hauek bi segundo Kaikuri.  Gipuzkoako Txapelketan ere brontzezko domina lortu zuten; denboraldi ona izan da hauentzat ere.

neskak podium

Espainiako Txapelketa, asteburuan

Euskal Herriko lehiaketak bukatu dira txapelketarekin, baina ez batel denboraldia. Espainiako Txapelketa jokatuko da datorren asteburuan Vigon (Galizia). Hantxe izango da infantil gizonezkoen batela.

Beteranoen traineru estropadan, Zumaia garaile etxean

Bestalde, beste estropada bat ere jokatu zuten larunbatean Zumaiako arraunlariek. Traineruen arteko lehia izan zen, eta Zumaian bertan izan zen. Beteranoen estropada izan zen, eta zumaiarrak izan ziren azkarrenak erlojuaren aurkako lehian.

Sailkapena:

1. Zumaia: 12:18.

2. Arkote: 12:30.

3. Getxo: 12:57.

4. Fortuna: 13:07.

5. Zarautz: 13:11.

6. Sestao: 14:01.

beteranoak

Euskadiko Batel Txapelketan ariko da Zumaia asteburuan

Batel denboraldiko azkeneko estropada jokatuko dute asteburuan,  Legutioko urtegian (Araba). Txapelketetan handiena izango dute jokoan: Euskadikoa. Hantxe izango da Zumaia, eta maila guztietan izango du ordezkaritza, jubenil gizonezkoetan eta senior gizonezkoetan izan ezik.

Larunbateko estropadan erabakiko da zein lau batel sailkatuko diren igandeko finaletara. Lau denbora onena lortzen dutenek lortuko dute finalerako txartela. Biharko estropada 16:00etan hasiko da, eta igandekoa 11:00etan.

Gipuzkoako txapeldun, brontzezko domina bat, Federazio Sarian garaile… Txapelketa ederra egin dute gure arraunlariek

Gipuzkoako Batel Txapelketa jokatu dute asteburuan Pasai San Pedron, eta Zumaiak emaitza onak lortu ditu. Onena infantil gizonezkoek lortu zuten, txapelketa irabazita; Orio eta Ilunbe izan ziren bigarren eta hirugarren, hurrenez hurren. Denboraldi aparta ari dira egiten, Gipuzkoako Batel Liga ere irabazi baitute.

Brontzezko domina ekarri zutenak senior emakumezkoak izan ziren, Hibaika eta San Juanen atzetik sailkatuz.

Federazio Sarian (Txapelketako finaletara sailkatu ez zirenek jokatzen dute), kadete gizonezkoen zumaiarren batela izan zen azkarrena. Infantil eta kadete emakumeen batelak bigarren egin zuten.

Emaitza hauekin oso gustura dira Zumaiako Arraun Elkarteko kideak. Iaztik hobekuntza egin dela nabarmendu dute, eta datorren urtera begira, beste koska bat igotzeko asmotan dira.

Gipuzkoako Txapelketako sailkapenak, hemen: http://www.fgremo.com/data/docs/resultados/txapelketa.pdf

infantilak txapeldun beste argazki bat neska seniorrak mattin and company

Argazkiak: Eneko Agirrezabalaga

Gipuzkoako Batel Txapelketa, asteburuan, Pasaian

Gipuzkoako Batel Txapelketa jokatuko dute asteburuan, eta hantxe izango da Zumaia bere batel eta arraunlariekin. Larunbatean, saillkatze estropada izango da, 17:00etan, Pasaian, eta igandean, 10:00etan, finalak, leku berean.

Zumaiako Arraun Elkarteak baditu aukerak dominen lehian ibiltzeko, Ligan horretarako gai direla erakutsi baitute arraunlariek.

Jaso du Mari Karmen Eizagirrek Arraun Elkartearen San Telmo zozketako saria

Mari Karmen Eizagirreri egokitu zaio aurten Zumaiako Arraun Elkartearen San Telmo zozketako saria. Gaur eguerdian jaso du, Antonio Amilibia klubeko ordezkariaren eskutik. Ohi bezala, saria osatzeko eta antolatzeko ezinbestekoak izan dira Endañeta Zumaia, Mardu Exclusivas eta Seguros Bilbao.

Zorionak Mari Karmeni, eta eskerrik asko laguntzaile guztiei!

P1030507

Bukatu da Gipuzkoako Batel Liga: azken sailkapenak

Atzo bukatu zen Gipuzkoako Batel Liga, eta zumaiarrentzat emaitza paregabearekin. Infantil gizonezkoek irabazi egin dute Liga, lan bikaina eginez. Azkeneko 11 estropadak segidan irabazi eta gero, nagusitasunez lortu dute Ligan gailentzea. Maila horretan bertan, Zumaia B zazpigarren izan da, eta Zumaia C hamaseigarren. Aitor Alzibar eta Iñaki Aristi izan dira infantilen entrenatzaileak.

Beste maila guztietan, hauek izan dira Zumaiaren emaitzak::

  • Infantil emakumezkoetan, bederatzigarren bukatu dute.
  • Kadete emakumezkoetan, Zumaia A bosgarren izan da, eta Zumaia B hamahirugarren.
  • Kadete gizonezkoetan, Zumaia A zortzigarren izan da, Zumaia B hamalaugarren, eta Zumaia C hogeigarren.
  • Jubenil gizonezkoetan, Zumaia hamabigarren izan da.
  • Senior emakumezkoetan, bigarren egin du Zumaiak.

Sailkapenak: http://www.fgremo.com/data/docs/clasificaciones/puntos_bateles47.pdf

infantilak txapeldun 1 infantilak txapeldun 2

Gipuzkoako Batel Txapelketa , datorren asteburuan

Gipuzkoako Batel Txapelketa jokatuko dute datorren asteburuan, eta hantxe izango da Zumaia bere batel eta arraunlariekin. Larunbatean, saillkatze estropada izango da, 17:00etan, Pasaian, eta igandean, 10:00etan, finalak, leku berean.

 

Hondarribia eta San Juan garaile San Telmo Trainerilla Sarian

San Juanek irabazi zuen atzo emakumezkoetan San Telmo Sariaren 4. estropada. Zumaiak egin zuen bigarren, Getariak hirugarren, eta Oriok laugarren.

Hemen denborak:

  1. San Juan  11.29,89
  2. Zumaia   11.45,64
  3. Getaria     12.05,14
  4. Orio           12.06,17

Gizonezkoetan, Hondarribia izan zen garailea 33. edizioan. Ondoren sailkatu ziren Zarautz, San Juan, Orio, Zumaia BZumaia A, eta San Pedro; Getaria kaleratu egin zuten epaileek, Zumaia Aren gainera joateagatik azkeneko txandan.

Hemen denborak:

1. Hondarribia 10:13.05
2. Zarautz 10:35.35
3. San Juan 10:37.80
4. Orio 10:42.17
5. Zumaia B 10:43.70
6. Zumaia A 10:51.24
7. San Pedro 11:03.83
Getaria deskalifikatua.

Argazkiak, baleike.eus-ek ateratakoak: http://baleike.eus/zumaia/1460366688234

Argazkiak, Klausser-ek ateratakoak: https://photos.google.com/share/AF1QipMVQR4Qm9nSTAw1s65DVEfduqmNeDHvswtxEqJ3uQtSxIuIpFbqcCP5dqZF281H1w?key=QTFXZEJLVXdFWnUyUTg5Q21zSG03ODJfRmNEOWhn

Trainerilla estropada bikaina, igandean, Zumaian

San Telmoetan, egitarauan, leku finkoa izaten du trainerilla estropadak. Aurten ere ez du huts egingo, eta 33. edizioa izango da jokoan gizonezkoetan, eta laugarrena emakumezkoetan. Igande honetan jokatuko da, 18:00etatik aurrera, Urola ibaian, Zumaiako Arraun Elkarteak antolatuta.

Emakumezkoek ekingo diote lanari, bi txanda hauekin eta hurrenkera honetan:

  • Orio-San Juan
  • Zumaia-Getaria

Gizonezkoek gero egingo dute arraun, eta hauek dira txandak, hurrenkera honetan:

  • Orio-Hondarribia
  • San Juan-San Pedro
  • Zumaia B-Zarautz
  • Zumaia A-Getaria

Infantilek eskura dute Gipuzkoako Batel Liga, bi estropadaren faltan

Beste garaipen bat lortu zuen gizonezkoen infantilen batelak (Zumaia A) Orion, larunbatean, Gipuzkoako Ligako 13. jardunaldian. Bederatzigarren garaipena dute segidan. Hori hala izanik, ez da harritzekoa aurrenak izatea Ligan. Bi estropada baino ez zaizkie geratzen, biak datorren asteburuan, eta gauzak ondo, Liga irabaziko dute zumaiarrek. Orio A da bigarren, eta zazpi puntu aurretik dira gureak.

Bi estropada horiek Orion eta Getarian izango dira. Oriokoa, larunbatekoa, 16:30ean hasiko da, eta igandekoa, Getariakoa, 11:ooetan.

Joan zen larunbateko emaitza guztiak, maila denetakoak, hemen: http://www.fgremo.com/data/docs/resultados/160402_zarautz.pdf

Ligako sailkapenak, hemen: http://www.fgremo.com/data/docs/clasificaciones/puntos_bateles45.pdf