Bihar goizean goiz jokatuko dute Gipuzkoako Batel Ligako laugarren estropada. Orion izango da, 09:30etik aurrera. Zumaiako Arraun Elkarteak sei batel eramango ditu, hiru emakumezkoenak eta beste horrenbeste gizonezkoenak. Hain zuzen, emakumezkoen seniorrak dira ondoen dabiltzanak; Zumaia A lider da, eta hori sendotzera joango da bihar. San Juan A bi puntura du, eta Tolosaldea hirura. Zumaia B bederatzigarrena da. Emakumezkoen beste batela, kadeteena, bosgarrena da.Gizonezkoetan, jubenilak dira ondoen sailkatuak, bigarren baitaude San Pedro Aren atzetik, lau puntura. Beste bi batelei dagokienez, infantilak zortzigarren dira, eta kadeteak hamargarren.