Category Archives: Albisteak

Gipuzkoako trainerillak beste estropada batean izan dira gaur arratsaldean Getarian, eta zumaiarren artean, Federazio Kopako ontziaren lana da nabarmendu beharrekoa beste guztien gainetik: irabazi egin du. San Juan B baino hamar segundo azkarragoa izan da Zumaia B. Ligari dagokionez, eta gizonezkoekin segituz, seniorretan seigarren izan da Zumaia. San Juan, Hondarribia, San Pedro, Zarautz eta Getaria […]

Zozkatu da San Telmo zozketako zenbaki saritua gaur arratsaldeko estropada amaitu eta segituan, eta saria 10.923 zenbakiaren jabeari egokituko zaio. Azalduko ez balitz hamabost eguneko epean, ordezko zenbaki saritua hauxe da: 11.258. Zenbaki irabazlearen jabeak arraun elkartetik igaro behar du, edo telefono zenbaki honetara deitu: 639769361.

Oso goi mailakoa izan da trainerilletako San Pedro Saria, ontzien mailaren arabera aurreikusten zen bezala, eta azkenean, Urdaibai izan da azkarrena. Zazpi klubak TKE ligako klubak izan dira; azken orduan etorri ez den Hondarribia Castrok ordezkatu du. Oso lehia ederra izan da lau txandetan, eta zale ugarik gozatu ahal izan dute estropadaz.Lehen txandan Urdaibaik erraz […]

Gipuzkoako Trainerilla Ligako seigarren estropada jokatu dute gaur goizean Pasai San Pedron, eta Zumaiako jubenilak nagusi izan dira gaur ere, atzoko emaitza bera lortuz. Hiru segundora gelditu da San Pedro, eta 11ra Getaria A. Gizonezkoen beste ontzia, seniorrena, zazpigarren izan da Ligan, San Pedro irabazletik minutu eta hogeita hamahiru segundora. Federazio Kopan Zumaia C izenarekin […]

Ohitura bilakatu da santelmoetan trainerilla estropada jokatzea, eta aurten ere hitzordua daukate arraun zaleek, Zumaiako Arraun Elkarteak antolatuta. Eta ez nolanahikoa. Izan ere, gaur, TKE Ligako Euskal Herriko klubak lehiatuko dira Urola ibaian. 18:30ean hasita, zortzi ontzi izango dira uretan: Urdaibai, Kaiku, Hondarribia, San Juan, San Pedro, Orio,  Zumaia A eta Zumaia B. Euskadiko Txapelketaren […]

Emaitza onak lortu zituen Zumaiak atzo, Gipuzkoako Trainerilla Ligako beste estropada batean. Hondarribian lan ederra egin zuten. Izan ere, bost ontzi izan ziren uretan, eta lau aurreneko bi postuetan sartu ziren. Gizonezkoetan, jubenilak izan ziren onenak bere mailan. Seniorretan, bigarren izan zen Ligako ontzia, Hondarribiatik ia bi segundo eskasera, eta Federazio Kopan ere bigarren bukatu […]

Gipuzkoako Trainerilla Ligan, senior gizonezkoetan, larunbatean, Zumaia laugarren izan zen, eta igandean, zortzigarren. Gipuzkoako Trainerilla Ligan, jubenil gizonezkoetan, Zumaia nagusi larunbatean eta igandean. Gipuzkoako Trainerilla Ligan, senior emakumezkoetan, Zumaia larunbatean bigarren izan zen, eta igandean, hirugarren. Gipuzkoako Federazio Kopan, senior gizonezkoetan, larunbatean nagusi izan Zumaia. Igandean ez zen atera. Espainiako Batel Txapelketan, senior emakumezkoetan, Zumaia […]

Bihar eta etzi Espainiako Batel Txapelketa jokatuko da Ferrolen (Galizia), eta han izango da Zumaiako ordezkaritza, emakumezkoen batela, hain zuzen. Seniorren mailan ariko da, eta bihar sailkatzeko estropada izango dute jokoan. Beste zazpi aurkariak hauek dira: Astillero eta Trasmiera (Kantabria), Chapela, Samertolameu, Mar de Bueu, Cabo da Cruz eta A Cabana (Galizia), eta San Juan […]

Gipuzkoako Trainerilla Ligako hirugarren eta laugarren jardunaldiak jokatuko dituzte bihar eta etzi. Zarautzen da biharkoa, 16:30ean, eta Pasai Donibanen etzikoa, 10:30ean. Hantxe izango da Zumaia, gizonezkoen eta emakumezkoen ontziekin: seniorrak eta jubenilak izango dira aurrenekoen kasuan, eta seniorrak bigarrengoen baitan. Zumaiako bi trainerilla Mutrikuko estropadan, duela hamabost egun. KLAUSSER

Traineruan aurreneko estropada jokatu, eta irabazi. Horixe egin dute gaur goizean Zumaiako arraunlariek. Emakumeen estropada jokatu da Baionan (Lapurdi), eta denboraldi honetako lehen estropada izan du herriko ontziak. Bada, erraz irabazi dute Urdaiazpikoaren Estropadako bandera. Errobi ibaian lehiatu dira Hondarribia eta bertako Ibaialde taldeekin batera, eta hondarribiarrei 38 segundoko tartea atera diete Joxe Enrike Manterola […]