Category Archives: Sailkatugabeak

Xanti Zabaletak beste urtebetez gutxienez segituko du Telmo Deuneko entrenatzaile izaten. Hirugarren denboraldia beteko du horrenbestez Zumaian entrenatzaile lanetan. Lan handia ari da egiten, eta aurreko bi denboraldietan helburuak ederki bete ditu bere arraunlari taldearekin: San Miguel ligan jarraitzen du Telmo Deunek. Gainera, kirol egitasmo horrek segida izatea albiste ona da.

Zumaia Salegi Jatetxeko arraunlariak Itziarren izan ziren, Jatetxean, joan den ostiralean Denboraldian zehar irabazitako bederatzi banderak eskaini zizkioten babesleari eta baita Euskotren ligako saria ere. Gero, mahaiaren bueltan dastatu eta gozatu ahal izan zuten denek denboraldi bikain honek emandako uzta. Zumaiako Arraun Elkarteak eskerrak ematen dizkio Salegi Jatetxeari denboraldian zehar emandako babesagatik eta joan zen […]

Datorren asteburuan, larunbatean Bermeon eta igandean Portugaleten, San Miguel ligako igoera-jaitsiera kanporaketak jokatuko dira. Zumaia Altuna Uria han izango da, eta Arraun Elkarteak autobusak jarriko ditu bi egunetan. Larunbatean, 15:00etan aterako da Garoa tabernaren aurretik, eta 20:00etan izango da itzulera Bermeotik, estropada osoa amaitzen denean. Igandean, 09:00etan aterako da Garoa tabernaren paretik, eta 14:00etan abiatuko […]

Zumaia Salegi Jatetxeak irabazi egin du Kontxako Banderaren bigarren eguneko estropada. Sailkapen nagusian, bi egunetako denborak batuta, bigarren lekua kendu dio Getaria-Tolosari, eta gainera, Kontxako errekorra jarri du, joan zen astean Galiziak egina hautsiz. Igande goiz biribila izan da, eta amaiera ederra jarri dio denboraldi bikainari. Bederatzi bandera batu dituzte arraunlariek, eta bi ligak irabazi: […]

Zumaia Salegi Jatetxea hirugarren izan da gaur Donostian, Kontxako Banderaren lehen jardunaldian. Galiziak irabazi du, 9 segundo atera dizkio Getaria-Tolosari, 14 Zumaiari, eta 20 San Juani. Estropada amaieran, Kike Manterola entrenatzaileak Baleikeri onartu dion bezala, “zaila dago, oso zaila”. Bandera preziatua irabazteko aukerei buruz ari zen. Datorren igandean izango da bigarren jardunaldia, 11:00etan.

Zumaia Altuna Uria 11. izan da gaur, Portugaleten, San Miguel ligako hamaseigarren estropadan. Orain, bi estropada geratzen zaizkio ligaren baitan, eta biak izango dira kanporaketakoak. Irailaren 15ean Bermeon ariko da, eta 16an, Portugaleten. Lehen txandan joan da gaur, bigarren kaletik, eta azkena egin du, Pedreña, Zierbena eta Portugaleteren atzetik. Espainiarrak nagusitu dira nabarmen. Orain, ligaren […]

Joan zen larunbatean bezala, Zumaia Altuna Uria azkena izan da gaur. Castron jokatu da San Miguel ligako hamabosgarren estropada. Zumaiarrak lehen txandan joan dira, eta Pedreñak, Portugaletek eta Zierbenak alde handia atera diote. Emaitza horrekin, Zumaia izango da jaitsierako kanporaketan, matematikoki. Irailaren 16an Bermeon eta 17an Portugaleten, aurkari hauek izango ditu: Orio, Santurtzi, Amegrove eta […]

Zumaia Salegi Jatetxeak irabazi du Zarauzko bandera, eta baita Euskotren liga ere. Bikaina izan da gaur eguerdiko lana ere, eta atzokoa biribiltzeko balio izan du. Gaur, bigarren egin du, Galiziaren atzetik, 58 ehunen beranduago. Ziabogan aurretik zen, baina gero, galiziarrek harrapatu egin dute. Baina bandera eta liga tostetan ziren ordurako, eta horrek du balioa. Sekulako […]

Zumaia Altuna Uria hamaikagarren izan da gaur, Zarauzko bigarren saioan.  San Miguel ligari dagokionez, bi egunetan hiru puntu batu ditu, eta aurrekoek gehiago. Horrenbestez, bi estropadaren faltan, ia ziurra da jaitsierako kanporaketa jokatuko duela irail erdialdean. Egundoko lana ari dira egiten arraunlariak eta entrenatzaileak denboraldia hasi zenetik, iazko azarotik. Lan horrek emango ditu bere emaitzak, […]

Zumaia Salegi Jatetxek erakustaldia eman du gaur, Zarautzen, eta oso gertu du Euskotren liga irabaztea. Bi puntuko aldea ateratzen dio Galiziari, eta bihar da azken estropada, gaurko leku berean (12:00). Sekulakoa egin dute zumaiarrek. Hasieratik hartu dute estropada burua, eta segundoak ateraz joan dira. Ziabogan, sei atzetik zen Getaria-Tolosa, zazpira zegoen Galizia, eta hamabira San […]